اسكريبت آية فتحي

سوري يا دكتور 
إستني يا آنسة إيه ال أخرك عن المحارضرة 
آنسة! 
قربت منه شوية وهديت صوتي
أنت عبيط يا غيث! 
إتفضلي إطلعي برا لما تتعلمي الالتزام بالمواعيد إبقي تعالي 
نعم يا عنيا!!
أخدت بالي إن صوتي عالي لما سمعت صوت صحابي وباقي المدرج وهم مصډومين بصيت على غيث لقيته بيبص لي بقوة وشوية وهيضربني قومت بصيت له و وأنا خارجة خبطت بشنطتي فيه 
ماشي يا ابن وفاء والله لأوريك 
خرجت مبقتش عارفة أروح فين لكن جه في دماغي خطة هعملها علشان أنتقم منه 
ماماا 
إيه يا مچنونة 
بقول لك ما ترني على خالو وطنط وفاء خليهم ييجوا يتغدوا معانا أنا جايبة أكل كتير لنا 

دا ال هو إزاي نعزمهم فجأة كدا يعني! 
يا ماما دا أخوك يعني عادي يلا بقا بالله عليك 
والله ما أنا مرتاحة لك 
وبعد ذل كتير وافقت ورنت على خالو وطنط وأقنعت طنط وفاء متطبخش وطلعوا وقعدنا ناكل وكانوا هيستنوا غيث لكن قولت لهم أنه هيتأخر وهيتغدى برا 
شوفي مين بيخبط يا آية 
حاضر 
أهلا دكتور غيث 
عيون دكتور غيث 
عايز اي 
إيه المعاملة دي 
والله!! 
أنت يا ايني عندك خلل!! 
أنت لسة طاردني من كام ساعة قدام المدرج كله عايزني آخدك بالحضن ولا إيه!
قرب عليا جامد المش محترم
طب وليه لاء! 
ماتخديني بالحضن 
وعلشان أنا في رد الفعل أبهر أي إنسان قومت زقاه وقفلت الباب في وشه ووقفت آخد نفسي كويس بعد ما وترني قليل الحيا دا فوقت على صوت خبط الباب وضحكته حاولت أهدي نفسي وفتحت الباب تاني 
ه تخلص تقول عايز إيه ولا أدخل 
ماما عندكم 
البيت مفيهوش حد 
آه نسيت أقول لك يا زوجي العزيز أصل كنا عازمين طنط وخالو النهاردة 
وأنا إيه!
يعني إيه 
عازمين ماما وبابا وأنا لاء يعني! 
غيث!
إدخل يا حبيبي واقفين على الباب ليه 
إزيك يا عمتو كنت بسأل على ماما وبابا 
جوا يا حبيبي تعالى 
لكن أنت جيت بدري ليه مش كنت عندك شغل وهتتأخر ف هتتغدى برا النهاردة 
إيه دامين قال كدا 
آية 
احم يلهوي أنا نسيت الموبايل في الشاحن هلحق أدخل أشوف الغسيل 
الله يسامحك يا ماما كان لازم تيجي دلوقت يعني! يلهوي لو شافني هيعلقني 
قفلت باب الأوضة ودخلت وكنت لسة ههدى لقيت ال بيقتحم الأوضة 
بسم الله الرحمن الرحيم 
أنت إزاي تدخل عليا كدا 
أنت عارفة إني جعان ومأكلتش من الصبح تقومي تعملي كدا!! 
الله! ما تعتبر نفسك صايم يا عم 
يا صبر 
غيث متتعصبش عليا أصلا أنا على آخري منك ودا كان رد فعل لل عملته معايا 
عملت إيه أنت إتأخرت وكان لازم أعمل كدا علشان تتعلمي 
نعم ياروح خالتك! هو إحنا في الروضة ولا إيه 
بعدين إيه آنسة دي أنت كنت مخبوط في دماغك! 
ما هو محدش عارف إنك مراتي عايزاني أقول لك قدامهم برا يا زوجتي العزيزة!! 
لاء عندك حق 
شوفتي! 
ولا متعصنييش 
ولا!! 
بعيدا عن
كل ال حصل إهدي وأنا ههدى وتقومي تعملي لي أي حاجة آكلها وتعالي علشان أشرح لك محاضرة النهاردة ومتجادليش علشان لو جادلتي
هنتخانق ونشد شعر بعض 
ضحكت وقومت خرجت أعمل له أكل ما هو قرة عيني برضه وأنا مايهونش عليا أسيبه كدا 
وعلشان كنت عارفة إن دا هيحصل ف كنت جايبة له فينو وجبنة عملت له ساندويتشات وخرجت لقيته قاعد في البالكونه قعدت جنبه وإديته الساندويتشات 
الأكل 
تسلم إيدك 
بالهنا 
هقوم أجيب الكشكول علشان تشرح لي 
جبته وقعد يشرحلي وراجع لي حاجات كتير من ال فات والله أنه حبيبي حبيبي حبيبي ربنا يستره يارب 
كدا فيه حاجة تاني مش فاهماها 
لا الحمدلله كدا فل جدا 
الحمدلله 
بقول لك صحيح الشقة خلاص فاضل أقل من شهر وهتكون جهزت 
هو فيه حاجة عايزة أقولها بس لازم توافقني علشان تقدر تقنع معايا الباقي 
إيه هي 
أنا مش عايزة أعمل فرح مختلط