لست آثمة
انت في الصفحة 1 من 5 صفحات
اسكريبت
لست آثمه
1 أنت عايزني اتجوز إيمان يا بابا إيمان!!!
مالها إيمان يا عز
معيوبة يا بابا.
اتعصب الحج حسن وقال
لم لسانك يا عز إيمان بنت عمك عيب تتكلم عليها كده.
كلامي غلط يعني يا بابا كلنا عارفين الحقيقة أنها مش بنت.
ضربه الحج حسن بالقلم وزعق
وعشان عارفين الحقيقة يا عز فاحنا عارفين أنه مش بمزاجها
خلاص يا عز ولا كلمة جرالك ايه لما احنا منصدقش بنت عمك مين هيصدقها...
سكت عز وحط وشه في الارض.... قرب الحج حسن منه وقال
عشان خاطري يا ولدي اتجوزها.... الناس بتتكلم من ساعة الحاډثة وكلام الناس مبيرحمش... والبت المسكينة قافلة علي نفسها مش قادرة حتي تطلع.... أنت لما هتتجوزها هيخرسوا خالص.
مسك الحج حسن أيده وقال
صدقني انت هتحبها يا بني... أدي إيمان فرصة.
لا فرصة ولا غيره يا بابا.... أنا هتجوزها عشان خاطرك بس لكن بعدين ليا الحق اتجوز غيرها... اتفقنا.
هز الحج حسن رأسه وقال
براحتك يا ابني
كنت قاعدة في اوضتي بصلي كالعادة... دموعي بتنزل علي خدي.... خلصت صلاة وفجأة سمعت صوت زعيق برة...
يعني ايه يا حسن هتخلي ابني يتجوزها.... حرام عليك... ده أبني الوحيد عايز تجوزه لايمان.... بدل ما تجوزه لبنت بنوت.
هند انتي عارفة أن إيمان.
زعق عم حسن وقال
وأنا خلاص قررت يا هند... عز هيتجوز إيمان.... والأمر منتهي وحسك عينك تضايقي البنت ولا تحاولي تسمي بدنها بكلامك هسود عيشتك انتي فاهمة ولا لا!
عمي ممكن اتكلم معاك.
اتفضلي يا إيمان
تنهدت وأنا بقول
مش عايزة اتجوز عز
نعم!!
زي ما سمعت يا عمي مش هتجوز عز مش هكون أنانية وادمر حياته عشان حياتي اټدمرت... هو ملوش ذنب...
عينيا دمعت وكملت
من حقه يتجوز واحدة نضيفة متل....
اسكتي يا إيمان ايه اللي بتقوليه علي نفسك ده!!! انتي اټجننتي..... انتي نضيفة فاهمة... وأحسن واحدة في الدنيا واللي حصل ده مش بمزاجك فهمتي.... ... أنا بس الاقيه واوعدك إني همسحه من علي وش الدنيا يا إيمان.
يا عبيطة هو الواد عز هيلاقي أحسن منك فين بس انتي الوحيدة اللي تقدري تعلميه الأدب... فاكرة لما فتحتي رأسه وهو صغير.
ضحكت وانا بمسح دموعي فكمل
هيحبك يا إيمان... ابني وانا عارفه عشان مش هيلاقي الأحسن منك بس اصبري يا بنتي...
حاضر يا عمي.
حضرلك كل الخير يا حبيبتي... يالا آلاء مستنياكي برة عشان تشتروا حاجات الفرح... عايزين نعمل الفرح قبل ما تروح كليتها.
.........
كنت ماشية أنا والاء وأنا حاطة عيني في الأرض كأني عاملة جناية... مسكت آلاء أيدي وقالت
مالك يا إيمان فيه ايه!
دمعت وقولت
أنا دمرتلكم حياتكم.... ودلوقتي هدمر حياة عز.
طب بطلي هبل يا بت.... ده عز حظه من السما أن هيتجوز واحدة قمر
