بقلم ديفنا عمر

الفصل الأول
تراقصت في الظلمة أضواء الشموع المتناثرة على وجه كعكة عيد الميلاد ليصدح الغناء من حناجر المدعوين والتصفيق المنغم مرددين أغنية ما شهيرة لتنتهي بصاحبها ينفث بالشموع ليطفئها ثم اشټعل التصفيق وسطعت الأضواء مجدد ليتلقى رائف نجم الحفل الصغير الهدايا من عائلته ورفاقه.
_ كل سنة وانت طيب ياحبيب ماما. 

قالتها إلهام والدته وهي تقبيله ثم مدت يدها بهديته قائلة دي هديتك ياحبيبي.
ليتبعها الأب توفيق بتقديم هديته ثم الجد نادر واخيرا شقيقه الأكبر جسار وهو يقدم هديته
كل سنة وانت طيب يا رائف عقبال مليون سنة. 
_ وانت طيب يا آبيه.
تولت إلهام تقطيع القالب ومنحت الجميع حصتهم ثم انتبهت أنها لم تعطي أبنها الأكبر حصته فتوجهت إليه بطبقه قائلة معلش يا حبيبي نسيت اديك طبق الجاتوه بتاعك.
رمق قطعة الحلوي البيضاء بخيبة أمل ثم قال شكرا يا ماما انتي عارفة حساسية الألبان تمنعني أدوقه. 
لطمت جبهتها علامة للنسيان وقالت معتذرة ياه! ازاي نسيت انك بتتعب منها..سوري حبيبي. 
أومأ لها بمسحة حزن عادي يا ماما يمكن عشان بنتقابل كل فترة بحكم سفرك انتي وبابا عموما أنا هشرب عصير فريش.
فحاولت إصلاح الموقف بقولها طيب لحظة اجيبلك أنا العصير بنفسي.
أسرع بقوله لا لا شكرا يا ماما بعد شوية هشرب. 
تنهدت باستسلام لرغبته ماشي يا حبيبي براحتك.
ابتعدت تتفقد الضيوف فتنحى جسار بعيدا نحو الشرفة وعين أخري تابعت ما حدث بضيق وسرعان ما توجه خلفه ليهون عليه الأمر فهو خير من يعلم أثر موقف گهذا علي صغيره.
شخصت عيناه وهو ينظر للسماء وأسئلة لا تنتهي يدوي صوتها بعقله لما دائما كل تفاصيله تسقط من ذاكرة والدته حتى لو كانت تخص صحته ذاتها بينما في المقابل لا تهمل أي شيء يخص أخيه الأصغر رائف ما الذي تبقى إذ لم تهتم والدته لما يؤذي صحته
علاقتهما عجيبة و فاترة هناك فجوة بينهما تتضخم و تبتلعه يوما بعد يوم كم ېخاف الضياع وهو يصارع فجوته فإن سقط بها لن ينقذه أحد حتئ هو ذاته.
_ جدو نادر حبيبك بنفسه جابلك العصير بتاعك.
الټفت سريعا لجده مبتسما تعبت نفسك ياجدي شكرا. 
ربت على ظهره بحنانه المعهود وقال تعبك راحة يا جسار يا ابني على فكرة مش عايزك تزعل من ماما انت عارف انها بتنسي كتير.
وافق جده رغم انه لم يكن مقتنع داخله وقال
عادي ياجدي مازعلتش. 
_ خلاص اشرب العصير الفريش ده بدون سكر. 
_ تسلم ايدك يا حبيبي.
ارتشف القليل ثم قال هو بابا وماما واخويا امتى هيبطلوا يسافروا ويسيبونا ياجدي
شخصت عين الجد مع قوله الهامس كأنه يحدث نفسه لحد ما ربنا يريد ليهم الاستقرار يا ابني.
قال بتمني كشف بعض معاناته بس انا نفسي يفضلوا هنا أنا حاسس ان سفرهم وبعدي عنهم خلي بنا مسافة كبيرة أوي واهو حضرتك شوفت ازاي ماما نسيت حتى الحساسية اللي عندي من الألبان. 
تنهد الجد بقلة حيلة وغمغم كله بأوانه يا جسار قولي بقا أخبار المذاكرة ايه عايزك تنجح في الثانوية وتدخل جامعة تختارها برغبتك وتتخرج وتبقي شخص ناجح وافتخر بيك. 
ابتسم دون حماس ربنا يسهل يا جدي أوعدك إن شاء الله أنجح السنادي عشان خاطرك. 
حدثه بحنان ربنا يباركلي فيك يا حبيبي يلا تعالى اقف جنب اخوك رائف واتبسط معاه. 
_ حاضر. 
______
بعد مرور ست سنوات.
بضجر راح جسار ينفذ غليونه وهو ينصت لثرثرة رفاقه التافهين عن قصصهم مع الفتايات التي يرافقوهم وبدأ يشعر بالضيق يحتل كيانه كل القصص معهن واحدة وتتشابه حد الملل ورغم انتقاده لمن يجلس معهم الأن هو ذاته ركن أساسي في عالمهم التافة الفارغ هذا تضاد غريب ككل شيء يحياه منذ مولده أنا ماشي قالها بعد أن أطفأ سېجاره مغادرا كافيتريا الجامعة لمكان أخر متجاهلا نداء رفاقه ليعود لكن يبدو أنهم اعتادوا طباعه هذه فمكثوا مواصلين ثرثرتهم غير عابئين برحيله المفاجيء گعهده. 
________
بعين تنضح منها الخيبة همست الفتاة لأخرى
محدش بيحب يعذب نفسه يا بنت عمي
اقتربت أبنة العم وهي تقبض كتفها بقوة أرادت ان تزرعها داخلها وهي تقول ومع كده انتي بټعذبي نفسك مع واحد بيلعب بيكي وبيتسلي وبس.
الټفت إليها الأولى بحدة عمرك ما هتفهميني ابدا أنا في وادي وانتي في وادي. 
ثم لكزت صدرها بقسۏة لم تعيها طول ما قلبك ده مقفول مش هتحسي بشعوري أبدا. 
تحدتها الثانية بثبات وانتي مفيش حاجة هتضيعك غير قلبك يا بنت عمي عن أذنك.
غادرتها وبرأسها لمعت فكرة ما
وقررت تنفيذها دون انتظار فإن كانت تلك الحمقاء منساقة وراء مشاعرها ولا ترى حقيقة ذاك الشاب. 
هي عيناها مثل الصقر وستفعل ما تراه صوابا.
_________
جالت بعيناها كل الزوايا تنقب عنه بعد علمها من رفاقه أنه غادرهم لتوه وها هو يجلس وحيدا في زاوية ما اقتربت منه بمسافة مناسبة وبثبات ألقت سؤالها مباشرا
_ أنت جسار السماحي
لم يبدي رد فعل وهو يطفيء عقب سېجاره الذي كاد أن ېحرق أصابعه لشروده قبل سماع صوت الفتاة يصدح جانبه لم يلتفت لها على الفور وكأنه سأم
وجودهن

في محيطه طيلة الوقت! تبا حتما هي واحدة ممن يلاحقونه!
أما هي فلم تفسر عزوف الرد عليها والنظره نحوها سوى بالإهانة الصريحة وصار يستحق منها ردا مناسب لفعلته!
كان لازم أضيف على صفاتك قلة الذوق
هنا فقط أدار لها وجهه بحاجبان معقودان وبوادر غضبه الوشيكة تبرز مضيقا حدقتاه راح يقيمها بنظرة ثاقبة شملت هيئتها شديدة البساطة ترتدي قطعتين فقط! بنطال جينز ثلجي اللون وكنزة خضراء يصل طولها للركبة وحجاب يضم اللونين معا لا تضع اصباغا تجمل ملامحها فتاة عادية جدا لا ترتقي لأقل واحدة من صديقاته بعد فراغه من تفحصها رمقها أخيرا باستهزاء ثم استدار عنها كما كان ملتقطا واحدة أخرى من سجائره مشرعا بإشعالها بقداحته. 
هتفت بتهكم مبطن مبتلعة إهانته التي توقعتها 
_ممكن أخد من وقتك السمين دقايق أتكلم معاك!
أدرك تهكمها بشأن وقته الثمين فأجاب ببرود دون أن يلتفت ولأنه سمين مابضيعوش على الفاضي!
صاحت بنفس نبرتها الساخرة أه طبعا عارفة بس هما كلمتين أسمعهم وأكيد مش هتشوفني تاني!
وواصلت مباشرا تلقي ما لديها أبعد عن سارة!
مازال يعطيها ظهره دون تهذيب وقطب حاجبيه علامة تفكيره بمن ذكرتها متساءلا عن علاقتها بسارة لتواصل بذات السخرية بعد أن طال صمته طبعا الأسم ممكن يكون متكرر في قايمة علاقاتك الدسمة ومش فاكره..عشان كده هوضحلك بتكلم عن مين أنا أقصد سارة الرشيدي!
أستدار بكلتيه هذه المرة يطالعها ثانيا وقد تحفزت رغبة مبهمة لديه ليعيد تقيمها من جديد هي ليست جميلة ولا قبيحة أيضا لكن شيئا لا يستطيع تحديده يميزها ربما قوة صوتها البعيد كل البعد عن الرقة گ مظهرها العام الخشن كأنها تتعمد أن تطمس معالم أنوثتها لتحصن نفسها أمام جنسه بنظرة صقرية تفحص عيناها السوداء التي لم تكتحل بمسحة انبهار لوسامته كما اعتاد في عيون الأخريات..تعجب من ثقتها وقسۏتها المنعكستين من حدقتيها المصوبين إليه بثبات لا تخجل أو تخافه من هي! ولما تحادثه بعدوانية هكذا وكيف لم يشاهدها من قبل بمحيطه
وهو لا تفوته شاردة ولا واردة من جنسهن!
_ أنتي تعرفيني منين وعلاقتك أيه بسارة
قالت بغرور اللي عارفاه الكل عارفه عنك مش مستحق اذكره واضيع وقتي ومايخصكش علاقتي بسارة أيه! أما عايزة أيه! ده بس اللي هجاوبه!
برقت عينه وهو ينظر لها وشعر بحدسه أنه بصدد شيء مثير وغريب مع تلك الڼارية ربما تحتاج حياته الرتيبة واحدة مثلها لوهلة شعر باهتزاز مقلتيها وهي تنظر له تري هل تأثرت به گ غيرها هنا مالت شفتيه بابتسامة واثقة وهو يوليها كل اهتمامه منصتا لما تقوله عايزاك تتقي الله وتبعد عن سارة أبطل تأثيرك و سحرك المزعوم عليها وابعدها عنك زي ما قربتها منك.. هي بالنسبالك مش هتفرق مجرد أسم هينقص من قايمة نز اتك وتقدر بسهولة تعوضها بعشرة غيرها سيبها واسحب شبكتك وارميها في بحر تاني لأني مش هسمحلك تخليها مجرد صيدة جديدة!
أقترابه الخطېر من حدودها عبقه الآسر نظراته الخبيرة العابثة مع صوته الرخيم ربما جميعها سهام فتاكة لقلب أي فتاة غيرها ولكن ليس مثلها. 
هي شمس الرشيدي.. وإن كان لا يعلم فهي ترحب بتعريف نفسها له كما يجب.
هدر صراخه بغتة بعد أن نثرت بوجهه رذاذ حارق ألهب عيناه وابتعد عنها گ المصعوق ليسمعها تهتف ساخرة شكلك ما صادفتش في حياتك حد محترم وأنا غلطانة اني جيت كلمتك واعتبرتك بني آدم.
وابتعدت عنه لتصدح قهقهة صديقه الذي تابع ما حدث من بعيد وهو يقول مقتربا يانهار ابيض على الجبروت البت هزئتك خالص وعلمت عليك يامعلم.
صړخ عليه جسار بلاش سخافة يا أشرف وساعدني انا مش شايف حاجة وعنية مولعة الله يخربيت صباحها الهباب..معرفش رشت عليا ايه بنت ال ... 
_ عييب الرقابة يا معلم تعالى بسرعة هاخدك لدكتور الجامعة ينقذك يا مسكين.
__________
ما أن علمت بفعلتها وزيارتها لجسار حتى صاحت حانقة ايه اللي عملتيه ده يا شمس ازاي تروحي كليتي وتستغلي اني مش روحت وتعملي كده مع جسار زميلي! هيقول عليا ايه دلوقت عيلة وباعتة بنت عمها عشان.. 
_عشان تفوقي لنفسك بدال ما واد صايع يضحك عليكي ياهبلة. 
_ أخرسي يا شمس اخرسي جسار مش صايع ده محترم جدا قلت مېت مرة انا اللي كنت بحاول اتقربله وبحبه ولما حس بكده صارحني اننا اخوات لو عايز يستغلني زي ما بتقولي كان ما صدق ليه مش فاهمة كده!
_ ماهي دي طريقة صيادين البنات أمثاله دلوقت زي ما كل حاجة بتطور هما كمان ألاعيبهم بتطور بيتقل ويعمل مطنشك عشان تجري وراه وبعدها يوقعك في شباكه ياحلوة ثم دفعت كتفها بحدة فوقي لنفسك يا سارة قبل ما
تخسري قلبك فوقي ركزي في مستقبلك انتي مش داخلة الكلية عشان تحبي. 
_ وايه المشكلة يعني لو حبيبت
_ المشكلة في أختيارك الغلط ده واحد مقضيها من بنت للتانية مصاحب دي وبيخرح مع دي.. 
_ وعرفتي منين وانتي مش في كليتي 
_ يا سلام تفتكري مقدرش اعرف لو عايزة وأصلا صيته

الهلس مسمع لحد عندي. 
نفذ صبرها وهي تلوح محذرة اسمعي ياشمس وهقولها لأخر مرة بلاش تتدخلي في أموري الشخصية لأني مش صغيرة أنا قربت اخلص تانية جامعة وعارفة مصلحتي.
رمقتها ببرود ثم التقطت حقيبتها للمغادرة قائلة ماشي ياكبيرة بس ماترجعيش تشتكي وتقولي كسر قلبي يا بنت عمي لأن بعد ما شوفته أنهاردة اتأكدت انه واد لعبي ومش تمام عن اذنك. 
وتركتها تزفر خلفها بضجر مهمهمة بكلمات ساخطة.
_ رايحة فين يا شمس مش هتتغدي معانا 
هكذا أوقفتها زوجة عمها لتقول
شكرا ياطنط صابرين همشي عشان خلاص مش طايقة اشوف بنتك دي قدامي. 
هزت العمة رأسها بتعجب أنا مش عارفة أنتي وسارة هتعقلوا امتى وتبطلوا خصام العيال بتاعكم ده أنتوا