رواية جديدة
المحل اتكلم معاه شوية وبعدين رجع على المعمل تانى
وقت ما كانت بسمة بتتكلم مع محمد كانت المكالمة بتتسجل وقدروا يوصلوا لمكان محمد واللى كان نازل فى بنسيون قريب من وسط البلد
القوة وصلتلها الاشارة انها تتحرك على عنوان البنسبون ده وكان معاهم امر مسبق بالقبض على محمد
القوة وصلت البنسيون و قدرت فعلا تقبض عليه قبل ما يتحرك من البنسيون و كان بيستعد وقتها انه يغادر البنسيون بعد ما طلب منهم الحساب بتاعه عشان يسدده قبل ما يمشى
وكيل النيابة انت متهم بالتواطؤ مع المدعوة شروق السيوفى فى خطڤ بناتك بسمة ونسمة ومعاهم قمر بنت جوز طليقتك ايه اقوالك
محمد ماحصلش مافيش اب بيخطف بناته
وكيل النيابة احنا معانا نسخة من مراسلاتكم لبعض على مواقع التواصل الاجتماعى واللى مثبوت فيه اتفاقك معاها على تيسير خروج البنات من مصر بدون علم ذويهم
وكيل النيابة معاك حكم محكمة بالكلام ده
محمد مش محتاجة حكم محكمة عشان اخد بناتى
وكيل النيابة ولما هى مش محتاجة حكم محكمة ما طلبتهومش ليه على طول من امهم بدل ما تلجأ لخطفهم
محمد عشان مافيش علاقات مابيننا من وقت ما اتجوزت و كمان ده مايعتبرش خطڤ ليه مصمم تسميه خطڤ
محمد هى اللى اتصرفت كده من دماغها انا مااتفقتش معاها على كده
وكيل النيابة والباسبورات المزورة اللى كانوا هيسافروا بيها دى كمان ماتعرفش عنها حاجة
محمد انا ماليش علاقة بكل ده شروق هى اللى عملت كل ده من غير ما تاخد رأيى
وكيل النيابة هل كنت على اتصال دائم ببناتك قبل كده
وكيل النيابة طب ليه ماقلتش لبناتك يبلغوا امهم انك عاوزهم يسافرولك وكنت رتبت معاهم بدل الطريقة دى
محمد انا قلتلك انى ماكنتش اعرف انها هتعمل فيهم كده ولما عرفت اتخانقت معاها
وكيل النيابة طب واشمعنى شروق اللى اخترتها عشان تخرجلك بناتك من مصر
محمد هى عرضت مساعدتها وانا وافقت
محمد بتردد اااانا ما اعرفهاش
وكيل النيابة ياريت توضحلى بقى اتعرفتوا على بعض ازاى
محمد هى اللى بعتتلى وعرفتنى على نفسها
وكيل النيابة والسبب
محمد كانت غيرانة من علاقة عبد الرحمن بفاطمة وتقريبا كانت عاوزة ترجعله
وكيل النيابة وانت كان ممكن تقدم لها ايه
وكيل النيابة و حصل ايه بعد كده
محمد عبد الرحمن وناصر خال البنات كلمونى وفهمونى الدنيا ماشية ازاى وخلاص اتجوزوا
وكيل النيابة وانت كان موقفك ايه من جوازهم
محمد وانا مالى انا طلقتها وهى اتجوزت وخلاص
وكيل النيابة طب ما حاولتش تطلب تشوف ولادك من ساعتها
محمد طلبت كتير وجوز امهم كان بيرفض
وكيل النيابة وماطلبتش ليه من البنات على طول انك تشوفهم
محمد عبد الرحمن كان مانعهم يردوا عليا من يوم ما اتجوز امهم وانا ماعرفتش اوصل لهم نهائى
وكيل النيابة بزعيق انت لسه قايل من شوية انك كنت دايما بتكلم بناتك وعلى تواصل معاهم وبتسأل عليهم يبقى ازاى عبد الرحمن كان مانعهم عنك
محمد بلجلجة انا كنت بتطمن عليهم وبعرف اخبارهم من بعيد لبعيد
وكيل النيابة من مين
محمد مش فاهم
وكيل النيابة كنت بتعرف اخبارهم من مين
محمد من اى حد الجيران كتير
وكيل النيابة عاوز اسامى الجيران دول
محمد بلجلجة مش فاكر اصل الكلام ده من فترة
وكيل النيابة ليه اتفقت مع شروق على خطڤ بناتك
محمد دول بناتى وانا للمرة المليون بقول لك انى ماخطفتهمش
وكيل النيابة ازاى وانت كنت مخرجهم برة البلد باسامى غير اساميهم وهيئة غير هيئتهم يعنى انت مشترك مع شروق فى التزوير
محمد انا ماليش دعوة باللى عملته انا كل اللى عملته انى وافقتها تجيبلى بناتى معاها وهى راجعة فرنسا لكن ماليش علاقة ابدا بالتفاصيل اللى عملتها
وكيل النيابة طلب شروق لعمل مواجهة بينهم ولما دخلت ولقت محمد بصتله و سكتت
وكيل النيابة ها يا شروق محمد بيتهمك ان انتى اللى عملتى كل حاجة لوحدك من غير ما ترجعيله وانه
