مظلومة

كان يقف بالقرب منهم يتابع حديث عمر ورجائه بدهشه فهو يعلم انه ولو كان في حالته الطبيعيه لأقام الدنيا وجعلهم يركضون من حوله ينفذون ما يريده بالامر لا بالرجاء
ليدرك ان صديقه في اشد حالته سوء وضعفا
فتدخل بصرامه اخافت الطبيب
الباشا عاوز يشوف مراته ويطمن عليها..يدخل علطول والا فيه حاجه المفروض يعملها قبل ما يدخل
الطبيب بارتباك
ياريت ..ياريت يتعقم الاول قبل ما يدخل
عمر بلهفه وهو مايزال يراقب حبيبه من خلف الزجاج
فين ..اتعقم ..فين..
اشار الطبيب لغرفه جانبيه..
هنا يا فندم ..الاوضه دي..اتفضل
ربت نادر على كتف عمر بتعاطف وهو يقول باحترام..

من هنا يا باشا ..
تبع عمر الطبيب بلهفه ينفذ اوامره الخاصه بالتعقيم بدقه وعقله و قلبه وسائر مشاعره تقوده في اتجاه واحد هو الاطمئنان عليها وعلى عودتها اليه سالمه..
بعد انتهائه دخل عمر الى الغرفه بلهفه يشاهد بندم وجهها الشاحب والاسلاك الموصوله بسائر جسدها والتي تمدها بالحياه وتحافظ على استقرار حالتها..
فاقترب منها پألم والندم و شعوره طاغي بالذنب وهو يسترجع كل ماحدث ..زوجته حبيبته طفلته عشقه وهو السبب ..كان سيفقدها بمنتهى البساطه ويفقد حياته بفقدها بسبب عقاپ غبي فرضه عليها
فركع پألم على ركبتيه بجوار فراشها ويأخذ برفق بيدها الموصول بها الخراطيم التي تمدها بمحاليل المخلوطه بالدواء 
وهو يهمس بإسمها مرارا ومرارة الخۏف من فقدها تتغلب عليه...
في حين وقف نادر في الخارج يتابعه بتعاطف وهو يعلم ان صديقه بعد ان يعود لطبيعته لن يرغب في ان يراه احد وهو في قمة ضعفه فاغلق الستائر الخشبيه على زجاج الغرفه من الخارج حتى لا يشاهد احد ما يجري في داخل الغرفه ..
ثم قال للطبيب والممرضه المرافقه له بصرامه وهو يقف على باب الغرفه يعقد ساعديه بقوه وتحذير ..
محدش هايرفع الستاير ولا هايدخل الاوضه الا لما الباشا يخلص و يخرج
في اليوم التالي...
خرج الطبيب من غرفة حبيبه التي تم نقلها من غرفة العنايه المركزه الى غرفه اخرى بعد تحسن حالتها واستعادة وعيها ..
ثم اقترب من عمر الذي قابله بلهفه..
الطبيب بحرج..
اسف يا عمر بيه بس هي لسه رافضه ان حضرتك تدخلها..
اغمض عمر عينيه بۏجع الا انه قال بهدوء لا يشعر به
مفيش مشكله اهم حاجه عندي صحتها وانها تكون بتتحسن..
الطبيب باحترام
الحمد لله هي اتحسنت جسديا كتير وان شاء الله كلها يومين تلاته وتقدر تسيب المستشفى
عمر بهدوء
الحمد لله متشكر اوي يا دكتور ..
ثم وقف جانبا ينظر الى غرفة حبيبه بشوق يريد الدخول اليها واشباع روحه المشتاقه والخائفه عليها من رؤيتها ..
الا انه ولأول مره حرص على تغليب ارادتها على ارادته .. حتى لو كانت فيها تعذيب له ولقلبه العاشق لها الا انه وبعد ماحدث وقرب فقدانه لها قرر ان مطالبها وراحتها الشخصيه لها الاوليه عنده حتى لو تعارضت مع متطلباته..
الټفت عمر الى الخلف ليجد جدته برفقة نادر تتجه اليه پخوف وهي تقول بلهفه ..
كده برضه يا عمر متعرفنيش ان حبيبه في المستشفى الا دلوقتي ..
ثم تابعت بلهفه
حصلها ايه وازاي تنزلها البحر لواحدها وهي مبتعرفش تعوم ..وهي عامله ايه دلوقتي فاقت والا ايه ..رد عليا
اتجه عمر بسرعه اليها يسندها من زراعها وهو يقول بأسف
الحمد لله عدت مرحلة الخطړ وبقت كويسه .. 
الجده براحه 
الحمد لله ..طب تعالى ..تعالى وديني ليها عاوزه اطمن عليها بنفسي..
تراجع عمر للخلف قليلا ثم قال بتوتر 
نادر هايخدك لأوضتها..
ثم وجه كلماته لنادر محاولا التهرب من نظرات جدته المتشككه
خد جدتي وډخلها عند حبيبه
الجده بتجمد
وانت متجيش معايا انت ليه
ثم تابعت بصرامه
انت عملت ايه ياعمر في حبيبه..
عمر بتوتر
خلاص يا جدتي انا مش ناقص ولا قادر لتحقيقاتك دي دلوقتي
اشارت الجده لنادر وهي تشير بعصاها بصرامه
دخلني عند حبيبه يا نادر لما اشوف عمل فيها ايه ..
ثم تجاهلت عمر الذي جلس عل مقعد بجانب الغرفه يمرر يده في شعر رأسه بتعب وتوجهت الى غرفة حبيبه واغلقت الباب في وجه نادر تمنعه من الدخول ..
ثم قالت بلهفه وهي تتجه الى حبيبه التي تجلس في الفراش بتعب ووجه شاحب..
حبيبه ..اذيك يا حبيبتي عامله ايه دلوقتي.. انا والله محدش قالي غير دلوقتي واول ماعرفت جيت علطول
ثم اتجهت اليه بحنان و حبيبه هي الاخرى وبدأت بالبكاء بطريقه هيستريه وكأن حزنها وألمها فاض بها فلم تعد تتحمل ..
والجده تربت على ظهرها بحنان أمومي ..
اهدي يا حبيبتي انتي لسه تعبانه في ايه بس مټخافيش الدكتور طمن عمر وقاله انك هتبقي كويسه
ابتعدت حبيبه عنها وهي تمسح دموعها وتقول ببكاءهيستيري
معدش حد يجيبلي سيرته انا بكرهه ..بكرهه ومش عاوزه اشوفه 
ولا اسمع اسمه تاني..خليه يطلقني انا خلاص مش عاوزاه بكرهه.. بكرهه
احتوتها الجده مره اخرى مهدئه وهي تربت على ظهرها وقد ادركت ان حفيدها قد ارتكب جرم في حق زوجته..
طيب اهدي يا حبيبتي وانا هعملك كل الي انتي عوزاه
ثم مسحت دموعها وهي تقول بحنان
لازم تعرفي انه زي ماهو ابني انتي كمان بنتي وميرضنيش انه يظلمك..بس انا عوزاكي تحكيلي كل حاجه واوعدك