صخر

فترة من ساعة مااتخرجت وأنا بقدم ورقي لكذا قناة ومن فترة كدا في شركة أصحابه لبنانيين وسوريين وبرضوا عندهم شركاء وموظفيين مصريين
وهما بيفتتحوا قناة جديدة وبعتولي عشان أشتغل معاهم مراسل
ودي بالنسبالي فرصة كبيرة جدا وانا قبلتها لكن طلع اني لازم أخلص أوراقي في لبنان وكمان أول بث ليا وللبرنامج هيكون هناك فيعني أنا...
أروي باإبتسامة مش هتقدر تكمل معانا للآخر ولا يهمك كل المشاريع اللي كانت بنا هتتنفذ وهيفضل ليك فضل كبير فيها
مد يده ببعض الأوراق هاتفا اها دا المقال اللي قولتيلي عليه هو في أفكار كتيير لكن حاولت أعمل زي ماقولتيلي ومازيدش عن صفحتين

أخذت الورق لتتطالعه باختصار هقرأوا ماتوقعتش انك تخلصه بسرعة كدا
آدم ماكتبتوش لوحدي إنتي ساعدتني لما قولتيلي علي موضوع نجمة وانا عملت شوية أبحاث لحد ماخلصته
صمت قليلا لينطق بتردد إحم أروي هي نجمة لسه نفسيتها تعبانة أقصد لسه متأثرة بجوازها
أروي بتنهيدة آيوا خدت 5 جلسات مع الدكتورة بتاعتها ورفضت تتابع بتسأل ليه
أخذ نفس عميق ليزفره علي مراحل محاولا ترتيب كلماتها لينطق جملة واحدة أروي أنا معجب بالنجمة وعايز اتجوزها
طالعته بدهشة لتردد ت..تجوزها يعني أقصد إنت شاب متعلم وفي يوم من الأيام هتبقي إعلامي كبير أنا واثقة من كدا ولسه ماعشتش حياتك ولا إتجوزت قبل كدا ليه عايز تربط مسيرك ب نجمة انت عارف ان صحتها النفسية مش متظبطة وكانت متجوزة قبل كدا وكمان أول مقابلة بينكوا كانت سيئة اي اللي شدك فيها
آدم بحيرة تصدقي أنا سألت نفسي السؤال دا لكن مالقتش غير جواب واحد وهو ان الحب عمره ماكان ليه أسباب ولا علل انا اول مالمحتها وهي في مكتبك حسيت بحاجة بتشدني فيها مش عارف اي هي يمكن هو دا التناغم بين القلبين اللي بيقولو عليه
نطق جملته الأخيرة ببعض من السخرية لتبتسم أروي اممم حب من أول نظرة يعني لاء طلعتي مش سهلة يانجمتي!
قالت جملتها الأخيرة ببعض المرح ليضحك الآخر ضحكة صغيرة بينما عادت أروي تقول بابتسامة واي المطلوب مني بقا نجمة مش هتتقبل مني أي كلام وهي في حالتها دي
آدم أنا مش عايزك تقوللها حاجة قبل ما أرجع م السفر أنا بقولك عشان تحجزيهالي بس
أنهي جملته بغمزة مرحة لتضحك الأخري بسعادة فهي لن تتمني شاب أفضل

من آدم لأختها
انتظر عدة دقائق قبل أن يدلف الضابط الذي استدعاه معللا معرفته لأخبار جديدة
جلس أمامه وعلامات اليأس تعتلي ملامحه
ليقول بنبرة مواسية إحنا عملنا كل اللي نقدر عليه عشان نعرف عنها حاجة لكن ماقدرنش نوصل لأي أخبار بخصوصها
وزي ماانت طلبت نزلنا ضفادع مائية البحر عشان يضوروا في البحر
كريم بجمود وبعدين
الضابط لقينا جثتين لبنتين لكن وشوشهم وجسمهم مشوهيين تماما بسبب ملح وسمك البحر!
____
في المستشفي الحكومي
هتف پغضب يعني اي يهرب منك وهو في الحالة دي
العسكري پخوف والله ياسعادة الباشا قالي هدخل الحمام وماحستش بحاجة غير انه ضړبني وهرب
الضابط پغضب دا انت وقعتك سودا
ليستدير موجها كلامه الي أحد الضباط الأقل رتبة شوفلي مين قرايبه ومين اللي ممكن يكون عندهم لازم نوصله هو حاليا مش هيعرف يعمل حاجة بسبب صحتها المدهورة
الضابط أوامرك يافندم
ليلتفت مغادرا وبمجرد خروجه أخرج هاتفه من جيبه ليضغط بعض الأرقام رافعا هاتفه الي أذنه 
ليقول بهمس متلفتا يسري ويمني تختفي عن العيون تماما الفترة دي الحكومة قالبة عليك الدنيا آها ومتنساش حلاوتي..سلام
ليغلق الهاتف وابتسامة خبيثة علت شفتيه...
أما هو فعاد لبيته بعد أن ذهب لمحل عمله الثاني وأكثر من دعمه ليخبره باانتقاله لشركة أخري وما فاجأئه أنه لم يمانع أبدا بل تمني له التوفيق في حياته
طرق الباب وانتظر حتي فتحت له سلا باابتسامة واسعة لتهتف بسعادة عند رؤيه عاصي جيت بدري
دلف للداخل ليبادلها ابتسامتها بأخري واسعة بينما رد بغمزة ماقدرش أتاأخر عليك ياحبيبي
تلون وجهها بالأحمر القاني فهو مؤخرا أصبح كثيرا ما يتغزل بها بل ويلاطفها ويداعبها دائما أيضا وكأنها حقا طفلته كما يقول
عاصي ماما فين وريم
ذمت شفتيها بحزن وانت بتسأل علي أم أربعة وخمسين دي ليه
عاصي بضحك هههههه اسمها أم أربعة وأربعين ياسلول
سلا بتذمر لاء دي بقا أم اربعة وخمسيين او تمانين كمان
نطق جملته الأخيرة بهمس ممازح عند أذنها
لتبتعد عنه تطالعه بسعادة بجد هتمشيها دلوقتي
عاصي ايوا
عاصي ممسكا بيدها لاء استني ياسلا ماينفعش أنا اللي هقولها ماشي ياحبيبتي
سلا بامتعاض ماشي
تركها ليتقدم عدة خطوات للداخل ليصدم بها تتنصت عليهم مما آثار حنقه هاتفا انتي عمرك ماهتتغيري هتفضلي لئيمة ومنافقة طوال عمرك
ريم بتلعثم آاا انا بس كنت جاي عش
عاصي بنبرة حادة أنا اللي جاي عشان أقولك إن في شقة صغيرة في المنطقة اللي جبنا تقعدي فيها وفي كافيتريا في نفس المنطقة طالبين آنسات للشغل تقدري تشتغلي فيها وتجيبي مصاريفك وأظن كدا عداني العيب معاكي
ليطالعها بااشمئزاز تاركا اياها متجها لغرفته بينما طالعتها سلا بنظرات شامتة سعيدة لتخرج لسانها مغيظة اياها ومٹيرة لحنقها مما جعل الأخري تجز أسنانها پغضب
قمة الأخلاق
أن تعفو وأنت قادر علي الإنتقام!
باولو كويلو..

لحقت به بخطوات سعيدة متدللة لتمسك مقبض الباب فاتحة اياه بعينان شاردتان
دلفت وأغلقت الباب لتستدير بشرود حتي فتحت عيناها علي آخرهما شاهقة بخجل هاااااا يانهار إسكت والله ماشفتش حاجة
لتخرج مسرعة بعد أن رأته دون قميصه شارعا في تبديل ثيابه
هتفت جملتها بخجل لتفتح الباب تاركة اياه يضحك بملأ فمه علي طفلته وتصرفاتها التي أصبحت تثير جنونه بها مؤخرا!
____
منذ ثلاثة أيام أخبر الطبيب بتعافيه ليعطيه إذن الخروج
لكن بعد معرفة تلك السيدة ذات الأربعون عاما وزوجه بأنه لا مكان سكن له أثرت علي إنتقاله معهم
عائلة متدينة إلي حد كبير إمراءة منتقبة وزوجها وبناتهم الأربعة مختمرات
يقيمون في بيتا من طابقين الطابق الأول في الأعلي لبناتهم
بينما الطابق السفلي به جناح علي الطراز الإسلامي خاص بالوالدين والنصف الأخر خاص بغرفتان للضيوف أقام هو بإحداهما
وكأن الله إختار له مايحتاجه فوضعه بين أناس طيبين أمثال الحجة دعاء وزوجها الحج محمد
لايتركون فرضا يصلون جميع فروضهم ليدعوه كل ليلة ليشاركهم صلاة الفجر وبعدها قراءة ورد من القرأن الكريم
شعر براحة نفسية ساورته تلك الأيام
شعر بروحه خفيفة صافية ملك لمن خلقه
فعرف حينها قيمة القرب من الله واللجؤ اليه في المحڼ ولكن مازال هناك مايؤرق نومه ويحرمه الراحة

نزلت الدرج بتمهل وخطوات هادئة لتلمحه كعادتها منذ انتقاله معهم جالس علي إحدي الوسائد وعلامات الحزن كالعادة تزين ملامحه
حمحمت بحرج ليلتفت لها بينما قالت بحياء ازيك
عقد حاجبيه بااستغراب فهي تلقي السلام لأول مرة علي غير عادتها تخرج وتدخل متجاهلة اياه
شعرت بأن ماقالته سخيف لتنظر له بسخط أقصد يعني ... يارب تكون مبسوط في بيتنا
وضعت يده علي فمه هامسة اي الهبل اللي بقوله دا!
رائف باابتسامة أنا رائف وأظن انك عارفة اسمي انتي بقا اسمك اي
ردت جنة
رائف انتي كل يوم بتخرجي كد ب
جنة بحدة انت بتراقبني
رائف باستغراب اراقبك اما بشوفك بالصدفة وأخدت بقالي ان محدش في اخواتك بيخرج