قصة مختلفة
عليا..يعني ممكن بسهوله نقدر نبعدهم عن بعض ونخليه يطلقها من غير مانظهر في الصورة
اتكلمت جدتها بتفكير انا قربت منهم اوي الفترة اللي فاتت وقدرت اكسب ثقتهم وخصوصا عليا..يعني ممكن بسهوله نقدر نبعدهم عن بعض ونخليه يطلقها من غير مانظهر في الصورة
_______
بعد اكتر من ساعتين وعليا بتنظر علي الطريق ومش عارفه هما رايحين فين.. بدأ يظهر علي جانبي الطريق اراضي زراعيه والواضح انهم في طريقهم لقرية ريفيه..بصت ل زين بغموض واتكلمت بفضول هو احنا رايحين فين بالظبط
ابتسمت عليا وهي بتتأمل في جمال الطبيعه حولها.. وبعد دقايق وقف زين بالعربيه علي طريق بتحاوطه الاراضي الزراعيه من جميع الاتجاهات..ابتسم ل عليا وقالها وصلنا
بصت عليا حواليها ومش شايفه غير اراضي زراعيه..بصت ل زين بدهشه واتكلمت بمرح انت هتعلمني الزراعه ولا ايه..
ابتسمت عليا بخجل وفتح زين باب العربيه ونزل وفتحلها باب العربيه عشان تنزل.. نزلت عليا وهي بتبص حواليها بأعجاب..
المكان كان هادي وساحر..اراضي زراعيه علي مساحات كبيره جدااا..اللون الاخضر كان حواليهم في كل مكان.. ترعه صغيره بتحاوط الارض برسمه هندسيه عشان توصلها المايه..فلاحين بيشتغلوا بهمه ونشاط
ابتسم زين واتكلم بعشق تعرفي ان انتي فيكي شبه كبير اوي من المكان دا
قربها منها وحط ايده علي شعرها الناعم وتابع كلامه برقه انا بشوف فيكي الراحه الا بشوفها في المكان دا
ابتسمت عليا بخجل وبصت حواليها بتوتر.. ابتسم زين ومسك ايديها بحنان واتكلم بهدوء تعالي معايا
اخدها زين لطريق صغير واتكلم بحماس شايفه البيت الصغير اللي في اخر الطريق دا..
بصت عليا ولقت بيت بيظهر من علي بعد وبتحاوطه الاراضي الزراعيه من جميع الاتجاهات
اخدها زين ومشيو كتير جدا لحد ما وصلوا قدام البيت وظهر من القرب انه بيت متكون من دورين ومتحاوط بسور عالي وله بوابه كبيره ومفتاح البوابه دي كان مع زين اللي قرب وفتحها بكل سهوله
ضحك زين واتكلم بمرح بيت جد جدي
عليا بدهشه بيت مين..!
زين بضحك والله بيت جد جدي
بصتله عليا بعدم فهم.. ضحك وقالها انا هفهمك.. جد جدي كان بيحب الارض دي جدا وعشان كدا اسس بيته في نص الارض عشان يشوف الارض من جميع الاتجاهات.. ولما جدي كبر وبقى شاب.. جده اداه مفتاح البيت ووصاها انه يسلم المفتاح دا ل حفيده..وطبعا جدي فضل محافظ علي الوصيه واداني المفتاح ووصاني اني اسلم المفتاح دا ل احفادي ان شاءالله
ابتسمت عليا وردت بمكر يعني انت عايز اولاد واحفاد عشان تنفذ وصية جد جدك..!!
ضحك زين وقالها تعالي معايا
اخدها ودخلوا وكانت عليا بتبص حواليها بدهشه واستغربت نضافة المكان وسألت زين وقالها ان في ناس بتيجي تنضف البيت دا كل اسبوع
وقفت عليا تبص لكل حاجه حواليها بأعجاب وحماس وعجبها جدا الاثاث الريفي والسلم الخشبي اللي بيوصل للدور التاني..كانت بتتفرج علي كل حاجه حواليها بأعجاب واضح جداا.. اخدها زين لباب خلفي للبيت وبيتفتح علي ارض الخلفيه وكانت مساحتها كبيره جدا وكان كلها شجر مانجه..قربت عليا من احدى الاشجار بزهول...
عليا بحماس هي دي مانجه حقيقيه
ابتسم زين واتكلم بتأكيد طبعا حقيقيه
ابتسمت عليا واتنطتت بحماس وهي بتحاول تقطف المانجه من علي الشجره..قرب منها زين ورفعها للأعلي..ابتسمت عليا واخدت المانجه وفرحت جدا انها قدرت توصل ليها بمساعدة زين وكانت بترفع ايديها باحتفال وسعاده وكأنها فازت بكاس العالم..
نزلها زين وهو بيبتسم بسعاده وكان فرحان جدا بسعادتها..وضع ايده علي خصرها وقربها منه واتكلم قدام
زين وعينه على بتحبي المانجه
هزت عليا راسها بدلع وردت برقه امم اوي
ضغط بخفه وهو بيقربها منه اكتر وقرب منر واتكلم بعشق بتحبيها اوي
عليا برقه امم
قرب من غرق قلبه وروحه.. كان اكتر وكأنه بيأكد لنفسه انها حقيقي بين ايديه..
بعد لحظات بعد عنها وعينه علي .خجلت عليا جدا وضمت وجهها في وهي بتداريه بعيد عن عنيه.. وهو سعيد جدا وبيتمنى ان الوقت يقف عند اللحظه دي وتفضل حبيبته في وبين ايديه..
اهلا يا زين بيه..نورت ارضك
قالها صاحب الصوت المزعج المسؤل عن الاهتمام بالارض...
بعدت عليا عن زين بفزع بعد ما سمعت الصوت المزعج اللي ظهر فجأه..بصله زين بغيظ بعد ما ضيع اللحظه اللي كان بيتمنى انها تدوم.. واتكلم بغيظ ايه يا عبد التواب مش تخبط قبل ما تدخل
بص عبد التواب حواليه على الارض الواسعه واتكلم بغباء اخبط علي ايه يا بيه
رد زين بخشونه مفيش يا عبدالتواب..المهم طمني ايه الاخبار
رد عبد التواب بصوته الضخم الاخبار
