بقلم زهرة الربيع

بالعكس قدامه انثى جميله جدا ..وقف وهو بيبصلها بزهول
سكر خلصت تمشيط شعرها وبصتلو وقربت عليه ..واول ما وصلت عنده حطت ايدها في وسطها وقالت مقولتليش ايه رايك لايقلي ولاعيله برضو
ابتسم وهو بيبصلها باعجاب وقال... ده انا اللي عيل عيل قوي
سكر ضحكت بكسوف وقالت طيب تمام يبقى انا كسبت بقى الرهان يلا بقى رن لماما خليها تجيب لي بيجامه
بس وقفها وقال بيجامه ايه بس انتي قمر كده.. كده احلى كمان كمان الدنيا حر قوي
سكر ارتبكت قوي وخاڤت من نظراته وقالت يامن احنا كنا بنلعب
يامن قرب اكتر وغمز وقال.. احنا لسه هنلعب
سكر خاڤت اكتر وقالت.. يعني ايه.. لو سمحت ...
يامن ابتسم وبصلها باعجاب شديد وقال فعلا ماتفقناش على كده ما اتفقناش على كده خالص... بقولك ايه ما تيجي انيمك
سكر بعدت عنه وهي بتضحك وقالت لا معلش نيم نفسك انا بعرف انام لوحدي واخذت مفرش وبقت تفرشو على الارض
يامن بصلها باستغراب وقال انتي بتعملي ايه
سكر قالت عادي بفرش هنام
يامن قال بدهشه تنامي ..هتنامي على الارض .. ليه
سكر قالت بارتباك علشان مش هينفع انام جنبك
يامن ضحك جامد وقال.. معاكي حق تخافي بشكلك ده بس يعني هو على الارض هتبقى بعيده وبعدين ازاي تنامي على الارض هتتعبي طبعا
سكر قالت لا عادي انا في بلدنا كنت انام على الارض على طول انا عندي سرير و كل حاجه يعني بس انا بحب انام على السطح ساعات احب انام في البلكونه وكله كنت انام على الارض
يامن ابتسم وقال..بس برضو مش هينفع اسيبك تنامي على الارض .. تعالي على السرير هحاول ما اقربش منك هقعد عاقل والله
سكر قالت..اممم زي العقل الي من شويه يا ساڤل
يامن ضحك بقوه وقال ..طب انا ذمبي ايه اذا كنتي فاجاتيني مكنتش متخيل انك كده ..طب بصي هحط مخده بنا
سكر نامت على الفرش وقالت... نام يا يامن ..انا هنام هنا على الارض
يامن اتنهد وقال... على راحتك ممكن الارض مفيده برده ...ونزل نام جنبها 
سكر بصتلو باستغراب وقالت....انت بتعمل ايه اطلع على سريرك
بس يامن بص لعيونها بقوه وقال مش هقرب تاني ما تخافيش بس حابب تباتي جمبي ممكن
سكر حاولت تتكلم او ترفض بس مقدرتش وهي بتبص لعينيه بتوهان شديد وهزت راسها بالموافقه
فرد دراعه وشاور لها بعينه
سكر بلعت اتنهدت هي بتبصلو بارتباك شديد واخذت نفس وقربت منو
يامن شدها ليه وتنهد بارتياح وقال ..قلبك بيدق جامد
سكر قالت بارتباك...من الخۏف اكيد
يامن ضحك بخفه وقال.. من الخۏف متاكده
سكر هزت راسها ببرائه 
ويامن ضحك وشدها ليه وقال خلاص نامي ربنا يصبرني بقى..وربنا على المفتري
سكرضحكت ونامت وفضل يتأمل ملامحها لحد ما نام
في صباح يوم جديد قام من النوم لقاها نايمه جمبو بشكل مضحك قوي وحاطه اديها ورجليها عليه
ابتسم على جمالها وبرائتها وقال...سكر انتي يا بت سكره
سكر اتململت بنوم وقالت...بس بقى خليني انام
يامن ضحك بخفه وقال ..ايوه بس انا لازم اقوم مش عارف اقوم منك خالص
سكر مسكت فيه اكتر وقالت بس بقى والنبي يا ماما سيبيني شويه
يامن بصلها بدهشه وقال ...ماما كل ده لماما...وابتسم بخبث وقال ...قومي قومي في حاجه بتمشي جنبك
سكر صړخت وقامت نطت بسرعه ومسكت فيه بقوه وهي بتصرخ مش راضيه تسكت خالص 
بقلم...زهرة الربيع
يامن قال بسرعه ...بس يا بت خلاص يا بت اسكتي بهزر والله بهزر
بس كانت بتصرخ مش راضيه تسكت ابدا حط ايده على بقها وقال اش اش بهزر معاكي ما فيش حاجه اهدي
سكر كانت بتبص
في عيونه پخوف وهو فضل باصص لعيونها