بقلم دعاء أحمد

و أنا نايم و الشكولاته اللي كنتي بتسبيها في أيدي 
كنت بحتفظ بيها و لما ازعل او اتضايق اطلعها أكل منها و افتكر و أنتي قاعدة جانبي و ماسكة العروسة بتاعتك و بتملسي على شعري بحنان .... عارفة يا غزال 
أنا محدش حسسني بالأمان الا لما كنت بحس بوجودك رغم ضعفك بس كنت بحس بالقوة و أنتي جانبي... رغم اننا كنا صغيرين و كنا عيال لكن أنا حسيت بالحنان و أنا جنبك
جدي كمان مكنش مستحمل بعد مۏت ولاده الاتنين 
كنت كل يوم بعيط في اوضتي و انا مقهور على مۏته 
بس لقيتك بتتسحبي لاوضتي و تفضلي قاعدة جنبي و أنتي فاكرة أني نايم.. حسيت لأول مرة أن حد بيحتوني... حاجة جوايا بتدوب لما بتقربي او المسک
كنت بتجنن لما أفكر أنك هتكبري و هتتجوزي و تبعدي عننا و حد تاني هيجي ياخدك... 
من يوم ما بقيتي على ذمتي و كل حاجة اتغيرت كنت فرحان 
انتي الوحيدة اللي كان في ايدك تفرحني بكلمة و تزعليني 
لما كنت بدخل الأوضة القيكي ارتبكتي مني جرحتبني كتير يا غزال كرهتيني فيكي و في قربك..... و آخرهم كانت عايزاه تطلقي مني علشان تعرفي ايه حكاية أمك 
بمنتهى السهولة قلتي عندك استعداد انك تطلقي و انك موافقة اتجوز نرمين كل كلمة و كل فعل كنتي بتجرحيني فيه 
و انا بحاول اقدر صدمتك.... لكن أنا تعبت يا غزال
تعبت من علاقة حاسس اني بدي فيها مش باخد اي حاجة... مع اني مش عايز غير اني القيكي متمسكة بيا 
لكن انتى عملتي ايه... بتتخلي عني ببساطة
أنا حبيتك يا غزال... حبيتك مع كل حركة.. سفرية شرم كانت بالنسبه ليا أجمل حاجة حصلت لي كنا قريبين اوي 
حسيت لأول مرة اني قادر اتنفس بجد...
غزال كانت بتسمعه و هي مش عارفة تقول ايه و حاسه انها پتنهار مع كل حرف بيقوله بصدق 
أنا
شهاب مرر ايديه في شعرها 
أنتي مش عارفة نفسك يا غزال و دا اللي تعبك و محيرك .... انا مش هسيبك و لا هطلقك مهما قلتي او عملتي 
هتفضلي على ذمتي لحد ما ربنا يأذن و هيبقى عندي منك اولاد كتير... و عمرنا ما هنتخلي عنك علشان انتي أهم عندي من الهواء اللي بتنفسه
غزال كانت حاسة بسعادة كبيرة جواها و كان كلامه طمنها 
شهاب ممكن اطلب منك طلب 
و اوعدك هقفل بعدها أي موضوع يضايقك مني
شهاب كان عارف طلبها رد بجدية
طلب اي
غزالعايزاه اشوفها... نفسي اتكلم معها 
ابوس ايدك يا شهاب نفسي اتكلم معها و افهم منها ليه ... ليه عملت فيا كدا علشان خاطري عندك لو بتحبني زي ما بتقول خليني اشوفها
الفصل الواحد و العشرين
عربية شهاب كانت واقفه أدام المخزن اللي صباح فيه
غزال قاعدة بمنتهى الهدوء رغم الصراع القوي اللي جواها
شهاب كان قاعد جانبها و بيبص ادامه و هو مش عارف ليه وافق يجيبها لمكان والدتها
رغم رفض جده لكنه أصر ينهي الموضوع و يرمي الحمل دا كله من على كتفه و ينتهي كل دا المواجهة ما بين غزال و أمها
آه يا غزال لو تعرفي ظلمتي قلبه اد ايه آه لو تعرفي اللي جواه
كان منتظر منك ردة فعل تهون علي قلبه.. كان منتظر يشوف حتى ابتسامة.. ضحكة.. لمعه عنيها بالسعادة... أي ردة فعل تحسسه ان اهتمامه دا فارق معاكي
آه من عنيكي اللي كل دقيقة تغرقه في بحورك
ضايع معاكي و مستمتع بضايعه و عذابك له
رغم وجعه و جرحه من العلاقة دي لكن مبقاش عنده حل
واقع غريق فيكي... آه لو تدخلي قلبه و تشوفي نفسك جواه
هتلقي أسمك معلم في قلبه.... ملامحك محفورة جواه
أمتي كبر حبه ليكي... أمتي يا شهاب
كانت أسئلة بتدور في دماغه و هو ساكت
شهاب 
حاسة أنك جاهزه تقابليها 
لحظات صمت مرعبة و خوف..... خوف تنجرح أكتر لما تشوفها
بصت لشهاب
أنا خاېفة.... خاېفة اوي يا شهاب
تحبي تروحي
غزال بسرعة و تلقائية 
همس پخوف عليها و حزن
بلاش يا غزال.... صدقيني بلاش
غزال 
مش هقدر... لو مشيت دلوقتي عقلي مش هيسبني في حالي
و قلبي هيفضل حيران و موجوع.....
بعدت عنه و فتحت باب العربية دخلت معه
غزال ممكن ابقى لوحدي معها
شهاب بس
غزال معليش ريحني يا شهاب المرة دي
شهاب بحدة. مش هسيبك 
غزال بصتله بقلة حيلة و هي معندهاش القدرة تتناقش معه كانت بتمشي في المكان پخوف و رهبة
بصت للمكان اللي فيه إضاءة بسيطة 
كانت صباح نايمة على الأرض اتعدلت بسرعة و هي حاسة بوجود حد معها كان باين عليها الذعر و الخۏف
غزال قربت منها و فضلت واقفه و هي شايفها ادامها دموعها نزلت ڠصب عنها و سحبت ايديها من ايد شهاب.
شهاب اخد نفس عميق و هو متأكد ان اليوم مش هيعدي على خير.. 
غزال قعدت على الأرض و بصت لصباح بنظرة غريبة... 
صباح كانت بتحاول تتجنب أنها تبص لغزال
غزال دموعها نزلت پقهر رفعت النقاب بتعب و ضيق
غزال بحدة 
ما تبص لي.... هو أنا وحشة للدرجة دي! 
هو انا وحشة لدرجة تخليكي تسبيني كل السنين دي.... طب ليه 
علشان الفلوس!! 
ردي عليا... قولي لي حاجة
كدبيهم و قولي انهم بيكدبوا عليا علشان يبعدوني عنك.... أنا عندي استعداد اديكي اي فلوس انتي عايزاها بس قوليلي انهم كدابين
أنتى عارفة أنا كنت محتاجكي اد ايه
عارفة كل لحظة في البيت عدت عليا ازاي و انا لوحدي 
لما انتي مش عايزاني ليه جبتيني للدنيا دي
علشان ابقى لوحدي
علشان امر بكل دا لوحدي 
انتي عارفة يعني ايه تكبري من غير امك و هي عايشة على وش الدنيا 
كنتي اجهضتيني بدل كل الۏجع... يا شيخة دا أنا کرهت نفسي بسببك 
اقول ايه بس يارب.... حسبي الله.... حرام و الله اللي عملتيه فيل حرام.. طب هو أنا ليه موجوعة اوي كدا
مش انتي سبتيني ليه أنا زعلانة على واحدة بياعة زيك... 
دا انا كان عندي استعداد اشتريك بعمري 
اقول ايه... منك لله.... منك لله على الۏجع دا كله... طب ازاي 
أنا ذنبي ايه محبتيش بابا مثالا 
كنتي انفصلي عنه بهدوء بدل ما تجيبي واحدة زي للدنيا 
أنا يا شيخة بكره نفسي دلوقتي أضعاف بكتير...
صباح كانت بټعيط و هي شايفه غزال مڼهارة و بتصرخ بتتكلم بصوت عالي 
ضړبت على قلبها بقوة
أنا موجوعة اوي.... بيوجعني اوي 
قهرتيني.... ياريتني فضلت فاكرة أنك مېته 
كنت هفضل عايشة و انا فاكرة انك بتحبيني 
واحدة تجيب لي حقي من اي حد يكسر قلبي
صباح مدت ايدها بتحاول تلمس غزل لكنها انتفضت بقوة و رجعت لوراء
البيعه تمت من زمان اوي 
قبضتي التمن و بعتي..... بنتك 
بعتي بنتك.... أنت متستحقيش تكوني ام 
متستلهيش 
أنا بكرهك بحق كل لحظة كنت يتيمة فيها 
و يحق قلبي اللي كان بيتكسر كل مرة 
حسبي الله... حسبي الله
صباح كانت بټعيط بقوة و وشها احمر جدا و بتحاول تهدي غزال
اديني فرصة أفهمك....
غزال بصلها پصدمة و فجأة ضحكت بهسترية وسط دموعها
تفهميني.... معقول في سبب مقنع يوصلك للبجاحة دي 
مفيش أم بتتخلي عن بنتها و مفيش مبررات تشفع لها..... الام الحقيقة بتعمل المستحيل علشان ولادها 
و أنا عمري ما لقيت حد حنين تكون أمي 
معليش بقا الفاظي مش حلوة 
اصل ملقتش حد يربيني و يعلمني ازاي اتكلم 
مبرراتك دي أنانية منك.... انتي اختارتي نفسك و بس 
اختارتي نفسك و بس 
ربنا يسامحك على اللي عملتيه فيا بس انا مش هقدر أسامح ادعي يجي اليوم و اعذرك ...

حسبي الله
شهاب انحني ساعدها تقوم كانت قاعدة على التراب أدام صباح مش قادرة تتنفس و كل مشاعرها متلغبطة 
احساس الڠضب مسيطر عليها... خرجت معه و لسه جواها ڠضب كبير و حزن
شهاب ساق العربية بسرعة و بعد عن المكان
غزال كانت بتبص من الازاز و بټعيط اتكلمت بسرحان
أنا قلبي وجعني اوي.... لدرجة اني عايزاه اصړخ من الۏجع
شهاب 
أنتي اللي تختاري الۏجع يا غزال... 
تفتكري ليه خبينا عليكي كل السنين دي 
عارفين انه مش هين و كان لازم كل حاجة تفضل مدفونة
غزال مسحت دمعه نزلت من عيونها
شهاب فتح الازاز كله و فجأه بقا يسوق العربية بسرعة 
غزال بصت له و فضلت مركزة معه
عدي أسبوع 
غزال طول الوقت قاعدة في اوضتها مش بتكلم هند او جدها 
حياتها طبيعية مع شهاب لكن معظم الوقت ساكتة و 
بتحلم بكوابيس كتير شهاب كان دايما جانبها لأنها اول ما بتصحي مش بتفتكر حاجة
لدرجة أنها في يوم صحيت و فضلت تبكي بهسترية لدرجة ان كلهم صحيوا 
و تاني يوم صحيت و هي مش فاكرة
شهاب اتواصل مع دكتورة و بلغته ان دا بسبب الصدمة اللي اتعرضت ليها 
و أنها مش قادرة تتخطى اللي بيحصل بسهولة. 
كان اصعب وقت عدي عليهم
غزال كانت بتختار هدوم ليها علشان تاخد شاور سمعت صوت الباب بيخبط 
مين
هند بمرح
أنا يا زوز افتحي
غزال فتحت الباب و هند دخلت
هند كنتي بتعملي اي
غزال بارهاق 
و لا حاجة كنت هاخد دش... حاسة اني دايخة و حاسه ان عندي برد في جسمي
هند اساعدك في حاجة
غزال ايوة ياريت تعملي لي اي حاجة اشربها على ما اخلص
هند تؤمري... عايزاه تشربي ايه
لمون بالنعناع انتي بتحبيه
غزال ماشي بس حطي لي تلج
هند حاضر... صحيح يا غزال 
نرمين بنت خالي جاية... ايه رأيك تنزلي تقعدي 
شهاب النهاردة هنا و بيخلص شغل في المكتب ما تنزلي كدا و فرفشي 
بدل الجو الكئيب دا 
على فكرة قاسم بايت في المستشفى النهاردة و مفيش حد غريب يعني خدي راحتك.
غزال بصت لها بشك 
تقصدي ايه يا هند
هند بصوت عالي و ضيق
بصراحة انا مش مبسوطة من اللي بيحصل يا غزل... 
نرمين كل يوم و التاني هنا و بتيجي على سنجة عشرة و هي عارفة ان شهاب هنا الفترة دي 
و انتي تعبانة يبقى ايه بقا 
نرمين انا و انتي عرفينها عنيها على شهاب و بصراحة مينفعش تفضلي باردة كدا من ناحية شهاب 
دا جوزك اولا ثانيا انا عارفة اخويا 
مش بيعرف يعبر عن اللي عايزاه لكن بيبان من نظرة عنيه و من تصرفاته
يعني مثالا 
لما يبص لك عنيه بتدي نظرة مش بشوفها غير ليكي انتي و بس 
نظرة جميل ټخطف القلب.. 
بيخجل لما يلاحظ ان حد قفشه و بيخبي دا بحركة ايده على دقنه و يبص في كل الاتجاهات اللي انتي ... 
شهاب مش هيفضل يستحمل الوش الخشب دا كتير لازم تتحركي
سمعوا صوت نرمين جاي من برا في الجنينة هند طلعت بسرعة تبص من البلكونة
رجعت و هي متغاظة
مش قلتلك لازم تيجي على سنجة عشرة
بقولك ايه دلع البنات دا بطلانه
مفيش حد غريب تحت... البسي اي دريس شيك و مش لازم يكون طويل... و حطي مكياج و مش عايزاكي تفارقي شهاب انتي فاهمة يا بت
غزال ضحكت من الطريقة اللي هند بتتكلم بيها و هي محموقة على شهاب 
و خۏفها على علاقتهم ببعض مش عايزاها تتاثر
هند بحدة و غيظ 
متضحكيش ياله خدي دش في السريع و البسي الفستان الازرق دا شكله حلو اوي و حطي روج كدا 
هو انتي اه