بقلم اسراء ابراهيم

پغضب وقفلت الباب كويس ورجعت قعدت بحيرة وخوف لحد ما رؤي تصحي وقررت ان لو عمرو جه مش هتفتح ليه الباب 
عدي اسبوع كانت فيه فتون مش بتخرج من اوضتها وخصوصا بعد ما بلغوها بمعاد كتب كتابها علي رعد بعد يومين فكانت قاعدة محتارة وبتفكر هتعمل ايه مع رعد بعد كدة قطع سرحانها خبط الباب وصوت ابوها اللي اتكلم بجدية فتون انتي صاحية يا بتي 
قامت فتون بسرعة فتحت الباب وهي بترد بابتسامة ايوة يا بوي اتفضل
دخل فضل وهو باين عليه التردد ولاحظته فتون اللي كملت كلامها بقلق خير يا ابوي هو في حاجة حصلت ولا ايه 

رد فضل بتردد وهو بيبص لفتون بحيرة اصل يا بتي بصراحة اكده رعد ابن عم عاصم كلمني وجالي انه رايد يتحدت معاكي جبل كتب الكتاب
ردت فتون بثقة وهي بتبص لابوها بهدوء طب وفيها ايه عاد اني موافجة يا ابوي بس اهم حاجة ان عاصم ميعرفش حاجة عن الموضوع ده حاكم لو عرف هيعمل مشاكل وده مچنون
رد فضل بلهفة وهو بيبص لفتون بنته بتردد وجدك كمان يا فتوناني مش رايد انه يعرف حاجة
اتكلمت فتون بقلة حيلة وهي بتبص لابوها بعتاب حاضر يا ابوي اللي تشوفه برضك
رد فضل بتبرير وهو بيبص لفتون باحراج اني بس مش رايد ازعله مني يا بتي وانتي خابرة جدك عندي ازاي
فتون ابتسمت وردت بطاعة وهي بتبص لابوها اني فاهمة يا ابوي متجلجش مش هيعرف ان شاء الله بس رعد جالك هجابله كيف 
فضل فكر شوية وبعدين رد بابتسامة بصي انتي غيري خلجاتك وهاخدك عشان نروحو للحكيمة اللي كنتي رايدة تروحيلها وزين انها بعيد عن اهنه وهنخليه يجيلنا هناك
ابتسمت فتون وحركت راسها بطاعة وهي بتبص لابوها بهدوء ومن جواها متأكدة انه بيعمل كدة عشان حس بالذنب لما عرف باللي كان عاصم بيعمله معاها وعشان كدة حب يريحها واتأكدت فتون من احساسها لما فضل ابوها باس راسها وقالها بحزن قبل ما يخرج حجك عليا يا بتي انا متوكد ان رعد غير عاصم ويارب اللي بتمناه يتحجج
ابتسمت فتون وباست ايد ابوها وبعدين سابها وخرج ووقفت هي تبص للفراغ وهي بتفكر هتقول ايه لرعد لما تشوفه
كانت قاعدة حبيبة بتلعب مع رؤي استغماية وكانت مرتاحة اوي لانها من وقت ما بقت تقفل الباب كويس وعمرو يخبط وترفض تفتحله الا لما بتيجي فايزة وهي من جواها بقت مطمنة وقررت تعمل كدة علطول
رغم انها مضايقة اوي من رخامته عليها وتصرفاته معاها كانت مغمية حبيبة عنيها بشريطة وبتمشي براحة وهي بتتكلم ومش شايفة قدامها اممم يا تري انتي فين يا رؤي عارفة
لو مسكتك
رؤي كانت مستخبية في الدولاب في اوضتها وبتضحك علي كلام حبيبة بس من غير صوت وكل ده وحبيبة ماشية بتدور عليها لحد ما فجأة لقت اللي بيسحبها من ايديها لاوضة وبيقفل الباب فاتخضت هي وشالت الشريطة من علي وشها واتفاجأت بعمرو قدامها وبيبصلها وبيبتسم بسخرية وهو ماسك في ايده مفتاح الاوضة ......يتبع
بقلمي_اسراء_ابراهيم
الجزء الثالث
عشق_محلل
كانت قاعدة فتون في الجنينة اللي فيها العيادة بتاعة الدكتورة وهي مستنية رعد بس كانت متوترة اوي وجمبيها فضل ابوها اللي كان باين عليه القلق
فضل بلهفة وه اهو رعد جه اهو هناك
فضل بابتسامة زين يا ولدي كيفك انت طمني
رعد وهو بيبص لفتون زين يا عم فضل معلش لو طلبت طلب زي ده بس كان لازمن اتحدت ويا فتون
فضل بتردد وهو بيبص لرعد بالعكس اكده احسن عشان فتون تطمن ههملكم واروح اشوف الدكتورة جت ولا لسة
مشي فضل ووقتها فتون اتوترت وبصت لرعد بقلق
رعد بهدوء وهو بيبص لفتون فتون انا طلبت اجابلك لاجل ما اتحدت وياكي واعرف رأيك في موضوع جوازنا لاني مطمنتش لما سألت عاصم و
فتون باندفاع موافجة انا موافجة يا رعد وعشان خاطري اوعاك ترجع في حديتك اوعاك تتخلي عني
رعد پصدمة اتخلي عنك كيف اني مش فاهم حاجة انتي تقصدي ايه يا فتون
فتون بتوتر ممفيش يا رعد بعدين هجولك كل حاجة بس المهم دلوك انك توعدني انك رعد مكنش فاهم حاجة وكان بيبص لفتون باستغراب لانه مكنش متوقع انها تقوله كدة هو كان جاي 
فتون بدموع وهي بتبص في عيون رعد انا اسفة انا خابرة انك ملكش ذنب بس انت الوحيد اللي هكون مطمنة وانا معاه رعد انت كنت جاي عشان تتوكد اني موافجة ولا لا واني بجولك اني موافجة هستناك تيجي تاخدني يا رعد هستناك ماشي سلام
خلصت فتون ومشيت وسابت رعد في صډمته وهو واقف وكل اللي بيتردد في عقله جملة واحدة من فتون وهي انها مش بتطمن غير معاه ووقتها لقي نفسه بيبتسم بتلقائية
كانت قاعدة حبيبة وهي حاضنة رؤي وپتبكي من غير صوت لحد ما وقف قدامها اياد وهو بيديها كوباية المية
اياد بجدية انتي كويسة يا انسة 
حبيية بدموع وهي بترفع عنيها لاياد انا متشكرة جوي بجد مش خابرة لو مكنتش جيت وانقذتني منه كان هيحصلي ايه
اياد بسخرية ماهو برضه لو كنتي انتي مجتيش بيت فيه شاب ولوحده مكنتيش هتحتاچي حد ينقذك 
حبيبة بحدة وهي
بتقوم من مكانها انت تجصد ايه يا افندي انت حاسة ان كلامك في اهانة ليا وانا مجبلهاش
اياد بقصد وهو بيبصلها پغضب اقصد انك جاية هنا لشاب
وانتي عارفة انه لوحده فطبيعي تكون دي نهاية قلة الادب
اياد اتفاجأ بحبيبة وهي بترفع ايديها عشان تديله بالقلم علي وشه بس اياد لحقها ومسك ايديها وهو بيبصلها پغضب وفي نفس الوقت كانت داخلة فايزة بسرعة بعد ما كلمها اياد في التليفون
فايزة بقلق وهي بتقرب من حبيبة ايه اللي حصل حبيبة انتي كويسة يا حبيبتي
فايزة پصدمة وهي بتبص لحبيية بقي عمرو عمل كل ده يا خبر واضح اني معرفتش اربي بجد انا حقيقي اسفة يا حبيبة
رؤي وهي بتجري علي امها وبتعيط ماما انا مبحبش عمرو عشان هو وحش وخوف حبيبة انا وهي كنا بنلعب استغماية وبعدين لقيتها بتصرخ
فايزة بضيق من نفسها معلش يا رؤي يا حبيبتي عمرو غلط وانا هعاقبه كويس اوي وانتي يا حبيبة متزعليش مني ومرتب الشهر هتاخديه كامل بس اتمني متزعليش
حبيبة وهي بتبص لاياد پغضب انا لولا اني عاملة حساب للاستاذة كنت مسحت بكرامتك الارض دلوك بس
اني هعملها احترام ومش هرد عليك
فايزة باستغراب وهي بتبص لاياد ليه كدة بس يا حبيبة هو اياد عملك ايه هو اه ابن اختي بس
غير عمرو خالص انا متأكدة
حبيبة بسخرية قبل ما تمشي اهو عندك يبجي يجولك عمل ايه وعلي فكرة يا ميس فايزة انا مش عاوزة حساب الشهر ابجي اديه للاستاذ يروح يتعالج بيه
خلصت حبيبة كلامها وسابتهم ومشيت وهي حزينه مش بسبب اللي حصل ليها قد ما عشان الشغل راح من ايديها وامها هتضطر تشتغل هي تاني
بعد كام يوم في بيت فضل
بارك الله لكما وبارك عليكما وجمع بينكما في خير
تنهيدة خرجت من فتون اول ما المأذون قال كدة واشهر انها بقت مرات رعد خلاص ووقتها ابتسمت بفرحة لاول مرة تحس بيها من