حلم اروى

مش قادرة اسامحه
كنت قاعدة في الكافية مع أميرة ومعايا ابني..فجاة جالنا سيف ومسك ايدي وقال
وقال يالا
بصتله بإستغراب وكنت هتكلم لقيته بيقول لاميرة
زي ما اتقفنا ماشي !
لقيت أميرة بتمسك سيف وبتقول متقلقش انت هاخد بالي منه
كنت مستغربة وبحاول أفهم لقيت سيف شدني برة الكافية
فيه ايه سيبني
بس سيف مردش حاولت اسحب ايدي وانا بقول 
يا بني آدم انت سيبني ايه ده
سيف دخلني العربية وقفلها كويس وقعد يسوق ومردش عليا خالص.
بعد شوية لقيته جايبني بيت غريب سحبني دخلني البيت وقفت وانا شايفة زي شاشة عرض بتعرض صوري انا بس صور كتير اووي معرفش جابها ازاي بصيت لسيف اللي ركع علي ركبته وقال
انا بحبك يا اروي عمري ما حبيت حد قدك ولا هحب بس جيت في فترة وضعفت .العمر كان بيعدي وانا معنديش طفل ده خلاني مړعوپ امي استغلت ده واقنعتني اتجوز اخلف عيل وبعدين أطلق حاولت اقاوم بس ضعفت ولقيت نفسي متجوز بواحدة انا مبحبهاش عشان تخلفلي عيل
.لقيت نفسي مضطر اقولها اني بحبها وانا عمري ما حبيت غيرك لمستها بس كنت بشوف صورتك انتي واول ما ضيعتي مني كرهتها وطلقتها
دموعي نزلت وانا بقول
ده مش مبرر
عارف..عارف انه مش مبررعارف اني حقېر وغلطان بس انتي عاقبتيني حرمتيني من ابني
وانا غلطانة فعلا اني عملت كده بس كنت موجوعة يا سيف .قلبي كان وكنت عايزة احړق قلبك
وحرقتيه فعلا طول خمس سنين وضميري .خمس سنين وقلبي 
مسك ايدي وقال
اديني فرصة تانية عشان خاطر سيف
هزيت راسي بمعني ايوة .قررت مضيعش وقت اكتر في الخصام هو غلط وانا غلطت يبقي منعاقبش بعض اكتر من كده عشان خاطر حبنا وعشان خاطر ابننا 
وقالي
مش هتندمي علي القرار ده يا اروي صدقيني
زقيته فجأة وانا بقول 
صحيح انت قلت انك مبقتش عاوزني
كنت بكدب يا ستي
ابتسمت بخجل وانا بقول
وانا كمان كنت بكدب لما قلت اني بطلت احبك
ضحك وغمز بعينيه وقال
عارف هو فيه واحدة پتكره حد تسمي ابنها علي اسمه
ضحكت بخجل فمسك ايدي وقال
ايه رأيك نخاوي سيف
لا يا اخويا انا تعبت في ولادة وتربية ابنك اتجوز تاني احسن
اروي
قلت لا
وجريت علي برة وجري ورايا وقال
علي فكرة سكرتيرتي الجديدة زي القمر هتجوزها لو موافقتيش
بصيتله وانا بطلعله لساني وقلت
وانا هسيبك خمس سنين كمان
ضحك وضحكت انا صحيح لسه منه قلبي بس الوقت كفيل يصلح كل حاجة بيننا