اميرة جمال
انت في الصفحة 8 من 8 صفحات
ليه المره اللى فاتت ماكنتش النتيجة ايجابيه رغم اننا ماغيرناش العلاج
سائر ماكنش ملتزم بيه يادكتور المهم دلوقتى نقدر نعمل العمليه
من بكره يا سليم بيه يقدر يسافر
يبقا بكره بإذن الله
بسرعه كده يا بابا
ايوه يابنى ليل نتأخر ولاايه رأيك ياليل
عندك حق ياعمى سافر يا سائر
قصدك نسافر
اه ان شاء الله
اتفضل ياباشا ورق الصفقه
بس انا خدت حقى
لا ماانتى تستاهلى حلاوتك بقا
طيب واتفقنا
اللى هو
تتجوز غادة بنتى
امممم
ايه رجعت فى كلامك ولاايه
لا وانا اقدر ماجبتيهاش معاكى ليه
المره الجايه بقا والمأذون موجود
تمام هاتيها معاكى
وليل
مالها
كشفت كل حاجه انا اتأكدت من ده لازم نخلص منها
اه طبعا دى الغاليه مرات الغالى
ننفذ امتى
بكره قبل سائر مايعمل العمليه
هيعملها
اه الأخبار وصلتلى خلاص
مش سهلة انتى ابدا
اكون
سهلة ليه كفايه اتظلمت مره لازم اخد حقى منهم
تمام بكره ننفذ اتصلى بيا فى الوقت المناسب
تمام مع السلامه
سائر الدنيا لازم تمشى هنا
ازاى
يعنى عمو يسافر معاك وانا اقعد مع والدتى يومين اطمن عليها
انا هبقا معاك فى كل لحظه
براحتك
اسمعنى بس ورق المناقصه مش ده مهم بالنسبالك انا هفضل هنا لحد ماتتم على خير دى أكبر صفقة للشركة
اى حد يسلمه
هتأمن عليه مع اى حد
انا محتاجك معايا
هبقا معاك كل لحظه وفى كل خطوة
كل شويه تكلمينى
حاضر كنت عايزه
اقولك حاجه
خير
انا يعنى
ايه
بحبك
اه طيب ...هااا قولتى ايه
لا بالله قولى تانى مش وقت سكوت خالص
لا هى مرة
معلش اعتبريها ذكاء عن صحتك
تؤتؤ
لا تعالى بقا انا بقول نخلى جوازنا رسمى
تانى يوم ليل صحيت وهى بتبص على سائر نايم جنبها نظرات حب وفتحت الدولاب تاخد لبسها اټصدمت من اللى شافته وعرفت ان نهايتها قربت
سائر سافر تانى يوم يعمل العمليه مع والده وليل فضلت فى البيت
ننفذ النهارده هى خرجت دلوقتى مش عارفه راحت فين خلى الرجالة يحصلوها
تمام هتبقا موجودة فين
فى مخزن........
طيب انا هجيلكم على هناك وعلى اتفاقنا
حاضر غادة اكيد هتبقا معايا
لاء مش هنتأخر سلام
ليل نزلت من بيت والدها ولسه بتتحرك ظهرت قدامها عربية واخدوها بسرعه
حمدالله على السلامه ياقمر
انا جابر السيوفى أكبر عدو فى السوق لجوزك
وعايز ايه
اممم هو مش انا اللى عايز منك
امال مين
انا ياحلوة ده كان صوت عبير اللى قطع كلامهم
وانتى عايزانى ليه بقا
علشان كشفتى كل حاجه
قصدك انك بتدى علاج غلط لسائر علشان يفضل عاجز
كويس انك عارفه
اكيد عارفه منا اللى اكتشفت ده
وسفرتوه علشان يكمل علاج ماتحاولوش خلاص العلاج القديم اثر عليه وهيدمره
اممم فايتك كتير اووى ياطنط
قصدك ايه
سائر ماراحش يتعالج ده راح يعمل العمليه وابتسمت بسخريه
انتى بتقولى ايه مستحيل
معلش الصدمه كبيره عليكى
عبير راحت نحيتها مسكتها من شعرها وهى بټضرب فيها ھقتلك ياليل
خلاص ياعبير
بنت إل.... دى تضحك عليا ياجابر
خلاص بقا المهم المناقصه
مناقصه ايه المهم سائر مايرجعش يمشي تانى لو كانت فضلت حالته تتأخر وماټ كان سليم ھيموت وراه وكل حاجه تبقا لياا
مش كفاية اڼتقام بقا ياعبير
لا لسه ياجابر المفروض العز ده كله يبقا بتاعى ملكى مش بيتفضلوا عليا بيه
ماانتى خدتى حقك منها علشان مااختاركيش انتى وحرمتيه منها
لا كله لازم يبقا ملكى كانت بتتكلم بعصبيه والشړ فى عنيها
تمام براحتك شوفى اللى يريحك كان يهمنى الصفقه وخلاص بقت ليا
يعنى ايه
يعنى ليل دى ماتلزمنيش شوفى انتى عايزاها فى ايه
تخلص عليها
امم خلاص اقتليها انتى
عايز تتخلى عنى ياجابر بعد كل ده ده انا اقټلك فيها ومسكت سکينه من على طبق الفاكهة وجريت عليه علشان تقتله لكن رجالته مسكوها ومنعوها
اتكلم جابر بعصبيه شكلك نسيتى نفسك ياعبير ونسيتى انا ابقى مين ده انا جابر السيوفى عارفه يعنى ايه ولاافكرك وأمر رجالته يحبسوا عبير وليل مع بعض فى اوضه واحده وامر رجالته يجيبوا غادة وراه تحت صوتها اللى بيهز المخزن كله
ليه
ايه اللى ليه
بټأذى سائر ليه كده هو عملك ايه
مش هو اللى عمل امه السبب
عملتلك ايه
خطفت سليم منى كان حب حياتى واحنا فى الجامعه بس ماكنش مدينى اى اهتمام ولا كأنى موجودة علشان قلبه كان معاها هى رؤى كانت واخده قلبه وعقله وكل حاجه حبها واتقدملها واتجوزوا مااقدرتش استحمل فكرة إنه يبقا مش ليا وهى السبب فى كده قررت انتقم منهم وعلشان انتقم واقدر اخد حقى كان لازم أكون قريبه منهم فضلت العب على عزت أخو سليم لحد ماوقع فى شبكتى فعلا وكان ھيموت عليا واتجوزنى بس انا ماكنتش حاسه ناحيته بأى حاجه مااقدرتش اتقبله نهائى فضلت على الحال ده سنين وانا مستنية بس فرصة علشان اعرف انتقم كويس لحد ماجاتلى الفرصة كان عزت هيوصل رؤى عند ااهلها لان والدتها تعبانه وسليم مشغول فى الشركة هو وسائر قولت فرصه اخلص منهم هم الاتنين فكيت فرامل العربية
وعملوا حاډثة وماتوا فرحت ساعتها هبقا مع سليم وماحدش هياخده منى تانى بس اتفاجئت للمرة التانيه انه مش بيفكر فى الجواز بعد رؤى مافيش فى قلبه مكان لحد تانى غيرها هى كانت متملكة منه بس عيشت معاهم فى الفيلا علشان ماافضلش انا وغادة لوحدنا وساعتها قررت لو سليم مش ليا خلاص غادة تبقا لسائر بس طلع زى ابوه بس ده بقا حب بت صايعه وشمال ضيعته لوحدها والحاډثة كانت احسن حاجه وانه بقا عاجز ساعتها قررت طالما سليم وابنه مش ليا انا وبنتى تبقا فلوسهم هى اللى ليا
ليل فضلت باصلها پصدمة مش مصدقة اللى حصل ازاى قادرة تكون بكل الشړ ده لمجرد واحد مش من نصيبها قطع تفكيرها دخول جابر بعصبيه وهو بيشتم وموجه مسدسه ناحية عبير.......
دخل جابر عند ليل وعبير ووجه مسدسه ناحية عبير واتكلم بعصبية
انتى تضحكى عليا يابنت إل..........
انا ماعملتش حاجه
جايبالى ورق غلط للصفقه انا واحده زيك تلعب بيا
والله ماحصل الورق ده اللى ليل قالتلى عليه
امممم قولتيلى لا ده انتى طلعتى مش سهلة ياليل
ليل بتبصله فى صمت
مش هتقولى ورق الصفقه المظبوط فين
مافيش رد
اتغاظ من ليل وقرب منها ضربها بالقلم ومسكها من شعرها اتكلمى بدل ماادفنك دلوقتى هنا
مافيش رد
طيب لما والدتك تيجى جنبك يبقا نشوف هتتكلمى ولالا
ليل بصتله بړعب وبرضو ماتكلمتش
مشى جابر وهو بيؤمر رجالته يجيبوا والدة ليل حالا
انتى اتجننتى قوليلوا ورق الصفقه فين
مستحيل دى مهمه عند سائر
حبتيه
وانتى تعرفى حاجه عن الحب
ياااه ده انا مابقتش كده غير من حبى لسليم
بس بتحبيه حب مؤذى والحب مافيهوش كده
الحب ازاى بقا ياليل هانم
الحب تضحيه يبقا يهمك مصلحة اللى بتحبه وأهم حاجه عندك تشوفوا مبسوط يبقا هات وخد روح واحده
وسائر ادالك ايه بقا
عطانى حنان وحب واهتمام ومعاملة كويسه هحتاج ايه اكتر من كده
ده مايأكلش عيش حياتك اهم
اللى مع ربنا عمره مايضيعه
هيقتل والدتك ده مابيهزرش اهم حاجه عنده مصلحته
ربنا هيحميها ولسه بيتكلموا جابر دخل عليهم وعنيه كلها شرار
والدتك مش فى البيت لحقتى تخبيها
ربنا هيحميها منك
منا لو ماوصلتلهاش هتبقا نهاية حياتك انتى
اقټلنى وبرضو مش هتوصل للصفقه
يعجبنى ذكائك بس انا هوصل لوالدتك برضو
ربنا ينجيها منك ومن شرك
تعرفى انك عجبانى بس المهم عندى الصفقه الأول وبعد كده يبقا نتسلى مع بعض شويه ونقضى ليلة
حلوة كده
ماانت ژبالة
الله يسامحك هرد عليكى وانتى فى حضنى سلام ياقطة
ليل وعبير فضلوا محبوسين يومين
كمان من غير أحداث جديده رجالة جابر بيجيبوا أكل بسيط ليهم علشان يحافظوا على حياتهم بس لحد مايوصل جابر للى هو عايزه ورابع يوم الباب اتفتح ودخل جابر ومعاه ضيفة جديدة تقعد مع ليل وعبير
ادخلى جنب صحبتك
دينا ده كان صوت ليل وهى مش مصدقة انه قدر يوصلها
دينا طلعت تجرى وقعدت جنب ليل
هاخد عبير اوضه تانية علشان تتكلموا مع بعض كده وننجز وتقولوا على مكانها واخد عبير وسابهم مع بعض
ليل مين ده
واحد اسمه جابر السيوفى أكبر عدو لسائر
عايز ايه ده
ورق الصفقه اللى حكتلك عنها انتى ودتيه زى ماقولتلك
اه ماتقلقيش
ووالدتى
سفرتها بس انا خاېفه اووى
انا خاېفه عليكى انتى ماتوقعتش يوصلك
ولاانا بس شكله واصل
اكيد بيشتغل فى كل الممنوعات وليه ناس كتير تساعده
وبعدين
ربك يحلها المهم انتى ماتتأذيش
ربنا يستر
شويه ودخل عليهم جابر واتكلم هااا فكرتوا فين بقا والدة ليل
مافيش رد منهم
جابر اتعصب وشد دينا من شعرها وبدا يضرب فيها وهى بتصرخ وليل دموعها نازلة مربوطة مش قادرة تساعد صحبتها وهى السبب فى اللى هى فيه ده وجابر بدأ يعذب فى دينا اكتر تحت نظرات ليل لحد مارماها على الارض
مش هتتكلمى يعنى وهتبقى مخلصه لصاحبتك حلو اووى ده يادينا خليها تنفعك بقا وفى لحظه جاب رجالته وأمرهم دينا تحت نظرات ليل
ورجالته مسكوا دينا على الأرض وقبل مايقربوا منها كانت ليل بتتكلم
والدتى فى الصعيد فى بلد اسمها..... عند قرايب دينا
جابر ابتسم بانتصار وامر رجالته يخرجوا بره وبص لليل واتكلم كده شطورة تعجبينى وخرج وسابهم
ليل حاولت تتحرك لحد ماوصلت عند دينا ودينا حضنتها وهى دموعها نازلة على وشها واتكلمت من بين شهقاتها ليه كده ياليل هيااذوها ويهددوكى بيها علشان تديهم الورق اللى عندك
مالكيش ذنب يادينا ماكنش ينفع اسيبك كده وكل اللى بيجرالك بسببى
طيب ووالدتك
ليها
رب كريم ينجيها من كل شړ احنا قصدنا خير وأكيد ربنا مش هيضيعنا
فى نهاية اليوم دخل جابر عند ليل ودينا وهو الڠضب ماليه
مسك ليل من شعرها وبدا يتكلم بعصبيه انا يابنت الكلب تضحكى عليا مرتين
انا ماضحكتش عليك
الأول فى الورق اللى ادتيه لعبير ودلوقتى فى المكان اللى روحناه لوالدتك
دينا اتكلمت انت بتقول ايه انا وديتها بنفسي المكان ده عند عمى اقسملك ده اللى حصل
ليل قاطعتهم يعنى ايه امى راحت فين حصلها ايه
جابر اتكلم بعصبيه انتوا هتلقحونى لبعض اخلصوا
اتكلموا فى نفس الوقت نقسملك بالله ده كان مكانها
انا روحت هناك وعم دينا قال فيه ناس راكبين عربيه وصلوا من يومين واخدوها وقالوا أنهم تبع ليل
انا مابعتش حد وهبعت ازاى وانا هنا من 4أيام مين ليه مصلحة فى كده تانى غيرك
ماعرفش مين تانى كده فى حد بيلعب بينا بس طالما مافيش والدتك ولا صفقه يبقا على الأقل اتمتع بيكى وكان بيقرب من ليل وقبل مايلمسها كان الباب اتكسر ودخل رجاله وبدأ الاشتباك بينهم
بعد ساعه كانت كل حاجه انتهت ورجالة جابر مقتولين فى كل مكان ومن بعيد دخل حد ليل اتأكدت منه كان سائر ساند على عصاية وجنبه سليم
ليل فى لحظه كانت فى حضڼ سائر وهى بتبكى وهو مشدد على حضنها والبوليس دخل اخد جابر وليل حكت لسائر اللى حصل كله وكان عنيه كلها ڠضب وعايز ينتقم من عبير اللى سبب فى مۏت والدته فضلوا يدوروا عليها لحد مافتحوا باب أوضة ووكانت عبير فيها بتكلم نفسها پجنون وقدامها غادة مقتولة سائر وسليم بصلهم بحزن على غادة واللى حصلها واللى كانت ضحېة امها ومشوا وسابوا عبير لمصيرها ورجعوا كلهم على الفيلا
ليل اول مادخلت الفيلا شافت امها قدامها حضنتها بلهفه وهى بتطمن عليها
كنتى فين ياامى مين اخدك من عند عم دينا
سائر بعت رجالته اخدونى لمزرعه تبعه وقالى انه هيجيبك هنا وساعتها هنتجمع كلنا مع بعض
ليل بصت لسائر بحب مش عارفه أشكرك ازاى
تشكرينى ده انا كل اللى حصلك بسببى ماكنتش هسامح نفسي لو كان حصلك حاجه
ازاى عرفت توصل لامى ولمكانى
اليوم اللى كنتى متضايقه فيه وفضلتى تقوليلى سامحنى واللى بقيتى مراتى فيه قال كلمته الاخيره وغمزلها وهى اتكسفت وبصت للأرض بخجل ساعتها قلقت عليكى والسلسه اللى ادتهالك كان فيها جهاز تتبع ولما رفضتى السفر معايا قلقت اكتر واتاكدت انك فى خطړ وفيه حاجه بتعمليها من ورايا خليت رجاله يرقبوكى ولما اتخطفتى فضلوا وراكى وشغلت جهاز التتبع وعرفت مكانك بعت رجالة لوالدتك يلحقوها وجينا احنا على عندك
كل ده عملته
انتى فاكره جوزك سهل ولاايه واخدها فى حضنه وهمس فى ودنها تيجى بقا نعيد اللى فات حضنته وهى مطمنه وعرفت ان اخيرا ربنا رضاها
تليفون سائر رن وبلغوه انه اخد الصفقه حضڼ ليل وهو مبسوط
سليم اتكلم دلوقتى خلصنا من كل التعب اللى احنا فيه نقدر نرجع لحياتنا ونبدأ من اول وجديد ولاايه يادكتورة ليل
دكتورة مرة واحده ياعمى
سائر اتكلم اه ياحبيبتى خلاص صدر قرار بتعيينك معيدة
ليل فضلت تتنطط وحضنت والدتها ودينا اه بتشكر ربنا على نعمه وأنه عوضها بعد كل التعب اللى شافته
سليم يلا بقا نتغدى كلنا
تمت بحمد الله
