منتهي وزهران الكاتبة أمانى السيد
انت في الصفحة 11 من 11 صفحات
موافقه يا ختى بس هو عنيد ده عملت كل حاجه تخطر على بالك عشان اطفشها لكنها لازقه
هاله واضح انها لازقه فعلا وشكلها عايزه تبعدوا عنكم
وخصوصا بعد ما بقى غنى عشان كده لازم مانسمحلهاش بده
منى عندك حق
تانى يوم راح زهران الشركه وقابل مؤمن
مؤمن انت قطعت الاجازه
زهران اه ماما كانت تعبانه عشان كده نزلت
زهران اخسن الحمد لله
مؤمن كويس انك رجعت عشان ابو فواز هيجي بعد بكره واجتماع الشغل هيكون الاسبوع الجاى
زهران لا اول ما يجيى لازم اقبله هات رقمه انا هكلمه شخصيا
اخد زهران رقم أبو فواز واتصل بيه
زهران مساء الخير هلا بأبو فواز
ابو فواز مين معى
أبو فواز يا هلا يا هلا كيفك يا شيخ
زهران الحمد لله بخير
أبو فواز إن شا الله دايما
زهران مؤمن قالى انك جاى القاهره بعد بكره
أبو فواز ايه مظبوط
زهران كنت عايز اشوفك ضروري
أبو فواز خير إن شاء الله
زهران لأ خير طبعا عازمك على الغدا فى مكان مصرى اصيل
أبو فواز خير خير خلاص نتقابل اول ما انزل على طول حياك الله مع السلامه
زهران لا هعزمه بره مش عايز هاله تعرف اصلا انه جاى او انا هقابله
مؤمن شاكك فى حاجة
زهران مش عارف بس كده احسن
عدى اليومين بسرعه وجه اليوم الموعود وصل أبو فواز واستقبلوا زهران ومؤمن وراحوا الحسين وطلب زهران اكل كتيير مصرى ليه وعجبه اوى
زهران بقولك يا ابو فواز انت عرفت منين إن انا زهران مش عرفات
السفارة كلمتنى وقالتلى انهم بيدوروا عليك وانا كلمت مراتك وقالتلى انك رجعتلك الزاكره بس انت هتفضل على اسم عرفات عشان تقريبا عليك طار
زهران هو انت تعرف هاله أصلا
ابو فواز اصحاك تكون مش عارف هى ما قالتلك شئ
زهران لأ عايز اسمع منك كل حاجه
أبو فواز ابنى لما خبطك كان حدا لاعبلوا فى فرامل سيارته حد
المهم انا رحت مكان ومشيت بالعربيه ورا عربيه الاسعاف وصادفت ان المستشفى دى كانت شغاله فيها هاله انا طلبت منها تخفى اوراقه لحظ مانت تفوق
او نعرف الدكاتره قالوا ايه عنك وانها ماتسلمش الاوراق الاستقبال لحد مانشوف ونظبط امورنا
زهران ومؤمن بصوا لبعض ورجعوا بصوله تانى كمل كمل
فضلت طول الفترة اللى انت مقضيها فى المستشفى أسأل عليك هاله لحد ما فوقت واول مانت فوقت هى كلمتنى فورا وووقتها انا جيت وقالتلى ماقولكش هويتك الحقيقة لحد ماتقبض الفلوس والقضيه تخلص عشان محدش من اهلك يعترض وفعلا عملت كده وفضلت اطمن عليك منها
بس بصراحه انا فضلت اسال وادعبس وراك عشان اعرف اى حاجه عنك ولما عرفت انك سألت فى السفارة بعت ناس برضوا يسالوا عنك لحد ماقدرت اوصل لاهلك وباعتلها ادتها عنوان اهلك وانهم بيسالوا عليك وقتها قالتلى حاضر هبلغه وبعدها كلمتنى قاتلى انك بتشكرنى وانك فعلا قدرت توصل لاهلك بس مش عايز تعرفهم مكانك لانك عليك طار وجاى هنا هربان منه وانك بتتواصل مع ابوك وامك ومراتك وبتبعتلهم فلوس بس هما مخبيين عشان محدش يعرف يوصلك وانك هتفضل باسم عرفات عشان محدش من الناس اللى بيدورا عليك يقدروا يوصلولك
زهران بقى يسمع كلام ابو فواز وهو مستغرب
ابو فواز انا عارف انى غلطت بس صدقنى انا عملت كل شئ فى ايدى عشان اعوضك عن غلط ابنى اللى كان غير مقصود
زهران مصډوم مش عارف يرد بس مؤمن اتكلم بالنيابة عنه
مؤمن يا شيخ زهران لسه عارفه هو منين من اسبوعين تقريبا وطول الفتره دى بيدور على اهله
ابو فواز ازاى الكلام ده اذا كانت اوراقك كانت مع هاله اللى فيها اسمك
زهران طيب ليه ماخدتهاش وعرفت مكان اهلى
ابو فواز قالتلى انها ضاعت منها وانى بلاش اقولك عشان مايحصلش مشاكل وخصوصا ان كده كده انت عرفت توصل لاهلك فمحبتش ادخل واعمل بينكم مشاكل قولت انت ادرى بحالك وخلاص مش هفتح كلام قديم عشان مايحصلش بينكم مشاكل
زهران شكرا ليك يا ابو فواز انك مكملتش فى خداعى بس للاسف هاله خبت حقيقتى طول السنين دى
أبو فواز وانت ناوى على ايه
ابو فواز حس ان الوضع اتازم وان زهران فعلا مكنش يعرف حاجه
بقولك يا زهران شوف انت ايه اللى يرضيك وانا معاك فيه
زهران حبيبي ربنا يباركلك أنا مش زعلان منك وبإذن الله معادنا الاسبوع الجاي فى الشغل زى ماحنا وهتبقى فتحت خير علينا
ابو فواز طيب انا بقى هقوم عشان انا تعبان من السفر ومحتاج ارتاح
زهران لأ طبعا لازم اوصلك بنفسى
وصل زهران ابو فواز وكان معاه مؤمن وبعدين راحوا قاعدوا فى كافيه هادى
مؤمن ناوي تعمل ايه بعد ما عرفت الحقيقة
زهران مش عارف بس لازم تدوق اللى انا دقته لازم تجربه والعز اللى كنت معيشها في ده هى واهلها خلاص بح من بكره طلع قرار رفد منصور من الشركه والمرتب اللى كان بيروح لمها هيتوقف
مؤمن مش هتواجها
زهران الصبر الصبر بقولك ايه تعالى وصلنى بيت الحاره لانى حاسس اني تعبان اوى ومش قادر اسوق
مؤمن اوديك للدكتور
زهران لا محتاج اريح بس واصفى زهنى
وصل مؤمن زهران لبيت الحاره وطلع عند منتهى
منتهى شافته تعبان جريت عليه بخضه
مالك يا زهران شكلك تعبان كده ليه تعالى نروح المستشفى بسرعه
زهران منتهى انا تعبان وعايز ارتاح من فضلك مش عايز اى إزعاج
سابها مهران ودخل
الغرفه وكان في صداع كبير بيفرتك دماغه ومش قادر يستحمله مره واحده صړخ باعلى صوت ودخلت منتهى عليه الاوضه لقته وقع فى الارض حولت تفوقه مافقتش اتصلت على حماها وعلى مؤمن اللى اتصل بالدكتور بتاعه وجاله بسرعه
الدكتور حصل ايه
مؤمن عرف انهارده حاجات كتير ضايقته
الدكتور طيب هو كان منتظم على العلاج
منتهى اه يا دكتور وكان افتكر احداث كتير عن الماضي
الدكتور احتمال كبير جدا ان تكون الزاكره رجعتله وغالبا هو ضغط نفسه بالتفكير عموما هو هيفوق خلال ساعتين لما يفوق حد يكلمنى ويطمنى عليه عن ازنكم وسابهم ومشى
منتهى هو إيه اللى حصله وايه اللى عرفه وصله لكده
مؤمن مش خقدر اتكلم فى حاجة هو لما يفوق يبقى يقولك عن ازنك وسابها ومشيت
جهزت منتهى الغدا بسرعه وراحت بعد كده فضلت قاعده جمب زهران لحد ما فاق
حمد لله على السلامه حاسس بايه دلوقتي
زهران هو ايه اللي حصل
منتهى لقيتك صړخت مره واحده اتصلت بباك وبالدكتور وبمؤمن جم كلهم والدكتور ادالك مهدئ وباباك قاعد مع احمد فى اوضه الاطفال مستنيك
تفوق عشان يطمن عليك ومؤمن والدكتور روحوا انت حاسس انك احسن
وحشتيني اوي يا منتهى
منتهى بصتله انت
زهران أه يا حبيبتي اه رجعتلى قام زهران دخل لابنه وابوه جامد وفضل قاعد معاهم وطلب منهم انه يروحوا معاه الفيلا
منتهى إحنا اتكلمنا فى الموضوع ده قبل كده
زهران منتهى لو عايزه تعرفى اللى تعبنى ووصلنى لكده واللى حصلى قبل اسمعى كلامى ممكن وارجوكى ماتجادلنيش
منتهى حست
انه فعلا في حاجه كبيره فسكتت وسمعت كلامه لانه شكله لسه مرهق
دخلت منتهى جهزت شنطه صغيره فيها لبس ليها ولابنها
ووالده برضه عمل زيهم وراحوا كلهم للفيلا أثناء الوقت ده كانت هاله عماله تتصل بيه عشان يرد عليها وهو عملها بلوك
وصلوا كلهم الفيلا واول ما هاله شافته جريت عليه وهى مټعصبه
هاله ممكن اعرف مش بترد علي تليفوناتى ليه ولا خلاص الهانم اللى انت ماشى وراها قالتلك متردش
بصلها زهران ببرود احترمى نفسك انا عمرى ما ماديت ايدى على ست بلاش تخلينى اعمل حاجه ضد مبادئى
منى هى قلقانه عليك احنا بنكلمك من الصبح وانت مبتردش على اى حد فينا والساعه داخله على ١٠ دلوقتي زهران اتصل على مؤمن ها يا مؤمن لقيت ماذون
مؤمن اه داخلين عليك دلوقتي
هاله انت ناوى تطلقنى نسيت كل اللى عملتهولك ووقفتى جمبك دى اخرتها يا عرفات شوفتى شوفتى ابنك الهانم اللى سخنته عليا
زهران تعرفى تفصلى رغى شويه المأذون ده هيكتب كتابنا بتاريخ قديم عشان اقدر اسجل بنتى على اسمى
همس لمنتهى انا عارف إن اللى بيحصل صعب عليكى بس هاودينى فى اى حاجه بعملها لآخر لحظه ممكن
منتهى حاضر انا معاك مش هسيبك
قعد منتهى وقاعدوا كلهم والماذون كتب كتابهم مره تانيه
ومؤمن وصل المأذون وحاسبه ومتكلمش في اى حاجه خالص مع هاله
وتانى يوم زهران مرحش الشغل عشان عارف ان منصور هيتصل بهالع يعرفها انه اترفد والفيزا بتاعت مامتها لما تيجى تسحب منها هتلاقيها اتوقفت وكمان يدى نفسه مساحة انه يرتاح ويرخى اعصابه للقادم
وقت الضهر كانت منتهى واحمد وزهران قاعدين في الجنينه بيشربوا القهوة وبيتكلموا واحمد الصغير وحبيبه بيلعبوا فى الجاردن والداده مرقباهم
منتهى برضو مش هتقولى اللى بيحصل انا مش فاهمه حاجه
زهران بص لقى هاله جايه ناحيته وهى مټعصبه راح بص لمنتهى بضحكه وقالها وقت انك تعرفى كل حاجه حان يلا بينا على جوا وشاور للداده ان عنيها تفضل على الولاد
هاله ممكن اعرف ليه عملت كده
زهران تعالى نتكلم جوا
دخلوا كلهم الريسيبشن الكبير
هاله بقى دى اخرتها يا زهران توقف الفيزا بتاعت ماما و تطرد جوزها من الشغل
زهران عارفه يا هاله انا بقيت كل اما ابوصلك اقول فى ناس تعابين كده وبجحين كده
هاله أنا
بتقولى انا الكلام ده
زهران اه بقولك انتى للاسف يا هاله انا اخدت البرشام اللى انتى
بتغيريه وعرفت انك كنتى بتدينى دوا عشان يخلينى افضل فاقد الزاكره عشان كده لما غيرت العلاج ماقولتلكيش
هاله انا معملتش كده
زهران لا عملتى بس صحيح يا هاله ورقة اللى اخدتيه منى وانا فى غيبوبه ضاع منك فعلا ولا حرقتيه ولا لسه موجود معاكى
هاله بتوتر انت جبت الكلام ده منين محصلش طبعا انت عايز
تتخلص منى فبتتهمنى بالحاجات دى
زهران للاسف انا عرفت كل حاجه وبص لاهله اللى كلهم
ساكتين وبيسمعوا اللى بيتقال
انا بقى هحكيلكم اللى حصل
لما سافرت دبى اشتغلت هناك وكنت ببعتلكم فلوس دايما كل شهر لحد ما فى مره قررت ابعت ميل للشركه الام بتاعت الشركه اللى اترفدت منها في مصر
والشركة ردت عليها ووقتها لحسن الحظ انى كنت واخد معايا كل الاوراق اللى بتثبت الڼصب اللى بيتم فى الشركه وقدرت اقابل صاحب الشركه وفعلا بعد اسبوع صاحب الشركه رد عليا وشكرنى على امانتى وان واحد غيرى بعد
اللى حصله كان كبر دماغه وطلب منى انى ارجع مصر وانى امسك اداره الشركه وانه ده اكبر رد اعتبار ليه ووعدنى بمرتب كبيير جدا بعد ما اتاكد بنفسه من كل حاجه بعتهالوا ووقتها ادانى تزكره طياران عوده لمصر وانا كنت فرحان اوى رحت قدمت استقالتى ومرضيتش اقولكم قلت اسيبهالكم مفاجأة لحد ما حصلتلى كان معايا شنطه صغيره فيها تزكره الطيران وعقد العمل
والبطاقه والباسبور صح يا هاله
هاله بقت واقفه مصدومه
هاله مايمكن اتسرقت
زهران ماهى انسرقت فعلا بس انتى اللى سرقتيها
تصلى نسيت ان ابو فواز اللى جوز امك كان شغال عنده جه وحكالى كل حاجه
هاله انا حبيتك وعملت كده عشان افضل معاك
زهران انتى كدابه انتى سمعتى الرقم اللى ابو فواز قال عليه وطمعتى وبسببك بعدت عن اهلى لمده اربع سنين
اربع سنين وانا بمۏت قدامك ونفسي اعرف اعلى وانتى بكل بجاحه عارفه عنى كل حاجه ومخبيه
هاله ساكته ومش عارفه تدافع عن نفسها
زهران بصى يا هاله لو عايزانى اسمحك وارجع اعيش معاكى تنفذى كل شروطى
هاله بقلق ايه هى
زهران اولا هتروحى تقعدى فى شقتى
القديمه اللى فضلت منتهى قاعده فيها اربع سنين هتعدى هناك نفس المده لواحدك حتى اهلك مش هتتواصلى معاهم
هتقعدى اربع سنين محرومه من اهلك ومن بنتك وبعد الاربع سنين دول ترجعى تعيشى تانى زى مانتى عايشه دلوقتي وخلال الاربع سنين دول مافيش مليم منى هيروح لاهلك تانى ها قولتى ايه
هاله لا طبعا انت عايزنى اعيش في الفقر ده لمده اربع سنين
زهران كنت عارف انك هترفضى عشان كده انتى طالق يا هاله بالتلاته وبنتك هتقعدى اربع سنين من غير ماتشوفى ضفرها واظن مش هتفرق كتير معاكى وانتى رمياها طول الوقت للمربيه
اقعدى بقى اربع سنين محرومه منها زى ما حرمتينى من اهله وابنى
هاله لا قول انك مش هتعمل كده مش هترد جميلى عليك بكده
زهران جميل حرمتينى من اهلى وابنى ٤ سنين وتقولى جميل انا بقى هردلك جميلك ده انى احرمك من بنتك ٤ سنين زيهم والفيزا بتاعتك كمان وقفت اكتر حاجه ممكن اعملهالك انى اديكى تزكره ترجعى لاهلك بيها وهسيبك من هنا لبكره تكونى لميتى حاجتك وهخلى السواق يوصلك لحد المطار يا اما لو عايزه تفضلى هنا افضلى بس ماشفش وشك
هاله طيب
والمؤخر بتاعى وحقوقى
زهران ماتخافيش انا مش قليل الاصل عشان اكل عنك حقوقك مع انى لو مادتهالكيش مش هتقدرى تاخديها لان زهران اللى اتجوزك وطلقك دلوقتي مش كاتبلك اى حقوق بس اى حقوق هتاخديها كمان اربع سنين
وقت ما اسمحلك تشوفى بنتك
هاله طيب زهران ردى وسبنى على زمتك الاربع سنين دول وافضل عايشه هنا مع بنتى ومش عايزة منك اى حقوق غير انك تصرف على البنت
زهران اسف بكره لو مخرجتيش لواحدك للاسف هستعمل طريقه مش هتحبيها وانا مش عايز اوصلها وانتى عارفه انا كلمتى واحده انا عيشتك اربع سنين فى عز انتى واهلك وانا مراتى شقيانه عشان تقدر تصرف على ابنى
مستحيل انسى قهره اهلى ومراتى وهما مش قادرين او يكلمونى ويقولولى انهم اهلى اطلعى لمى هدومك يلا
هاله بصت لمنى اخر أمل ليها عشان تحنن قلب ابنها لكن لقت منها بصه بقرف ونفور
سابتهم هاله وطلعت اتصلت بامها حاكتلها كل اللى حصل وامها طلبت منها تلم دهبها وكل حاجه غاليه وتخدها معاها وفعلا هاله عملت كده و جهزت شنطتها واستعدت للسفر
كانوا قاعدين كلهم تخت بيتكلموا
منى ايه الق رف ده وانا اللى فكراها ست اصيله
أحمد اعرفى الناس من المواقف يا منى من وقت الضيق مش وقت الڤرج تفتكرى لو الراجل الاماراتى ده مكنش قال انه هيدى
ابنك فلوس كانت كملت معاه طبعا لأ
انما منتهى فضلت معاه على الحلوه والمره
منى كده بقى كلنا نعيش في البيت ده
احمد بقولك ايه يا منى لو ماتعدلتيش ورجعتى وعيشتى فى بيتك تانى صدقينى هتبقى طالق بالتلاته وهتجوز واحده بدالك وانتى عارفانى اعملها
زهران كده كده يا ماما انا خلاص هبيع الفيلا دى واجيب واحده جديده ووقتها انا هحاول اقنع بابا اننا نعيش كلنا فيها
وهرجع تانى اعيش في شقه الحاره لحد ما اجيب الفيلا التانيه
منى وليه يا بنى التكلفة دى وبصت لمنتهى بغيط ماهى الفيلا موجوده اهى وجميله
زهران بص لامه وحرك راسه ان مافيش فيها فايده وهتفضل حاطه منتهى فى دماغها
يا ماما انا عايز اعمل زكريات تانيه ليه حلوه معاكوا ومع ولادى وجودى هنا مش بيفكرنى غير بالايام اللى عشتها بقلق عايز اعمل حاجه تانيه على زوقى انا ومنتهى وهخليكى تعملى الاوضه اللى انتى وبابا هتقعدوا فيها على زوقكم ها ايه رايك
منى بجد طيب إذا كان كده ماشى
تانى يوم سافرت هاله لامها وامها استقبلتها ببرود
ام هاله يا خبتك يا بنت بطنى ماقدرتيش تضحكي عليه بكلمتين فضلتى معاه اربع سنين ومقدرتيش تخليه يحبك
هاله خلاص بقى منا كل ده كنت ماشيه بشورتك
ام هاله طيب يا ختى عمك منصور جبلك شغل في مستشفى هتنزلى تشتغلى من بكره
هاله طيب ادينى فرصه ارتاح حتى من السفر
ام هاله مانتى بقالك ٤ سنين مرتاحه
هاله منا كنت مريحاكى انت
كمان
ام هاله كلنا يا ختى هنرجع للشقى تانى عمك منصور رجع اشتغل سواق تانى وانا هرجع انزل اشتغل تانى فى الكوافيرات عشان نقدر ناكل ونشرب
عدى شهرين كان خلالهم زهران قدر يخلص كل ورقه وينقل كل حاجه بإسمه ومؤمن فتح شركة صغيرة ليه وبقى يديرها بجانب شراكته مع زهران وزهران شجعه عليها
منتهى وحماتها لسه ناقر ونقير وحماتها واقفلها على الواحده
وزهران جاب فيلا جديده متوضبه وخلال شهر كانت اتفرشت وكلهم راحوا سكنوا فيها حتى والده منتهى
وهاله رجعت تانى لشغلها والتعب والشقى وزهران لسه قلبه جامد من ناحيتها
بعد رمضان احتمال كبير يكوون في جزء تانى خاص بمؤمن
كل سنه وانتم بخير ورمضان كريم
