أميرة رضا

اصلها شافت الكلب وخاڤت وهي بتجري وقعت والتليفون وقع منها ههههههههههه
تالين وايان ضحكو معاه وانا اتكسفت وليل خد بالو
ليل هي دي حاجه
تضحك يعني
نوح بضحك اكتر اصل كان شكلها مسخره هههههههههه
انا رايحه انده لمدام كريمه
سبتهم ومشيت وانا ھموت من الاحراج 
ليل نوح يتقعد باحترامك ي تمشي من هناا
نوح وانا قولت اي يعني وبعدين مين المزه دي
ايان المزه دي تبقا الميس بتاعتنا
نوح طول عمرك حظك بومب والحريم بتترمي تحت رجليك
ليل بعصبيه نوووووووووح لم نفسككككك واتقي شړي احسنلك
رجعت عندهم تاني استاذ ليل ممكن تليفون حضرتك دقيقه هكلم ماما
ليل اها طبعا اتفضلي
كتبت الرقم ورنيت علي ماما
الو ي ماما
ماما ايوا ي حنين قلقتيني عليكي اي اللي حصل
مفيش ي ماما انا شوفت كلب وخۏفت بس والتليفون وقع اتكسر
ماما فداكي ي حبيبتي انتي جايه ايمتي
خلاص هنطفي الشمع وجايه اهو
ماما طب خلي بالك من نفسك
ماشي سلام
اتجمعنا كلنا وطفينا الشمع والعيال كانو فرحنين اوووي وانا شخصيا كنت طايره من الفرحه عشانهم 
لولو عايزه حاجه مني بقا انا ماشيه
تالين عايزاكي تقعدي معانا علطول انا وايان وبابا فرحنين وانتي معانا
هو ابوكي ده يعرف حاجه اسمها فرح اصلا
تالين بتقولي اي ي ميس
مش بقول حاجه ي حبيبتي يلا سلام
خدت شنطتي وانا ماشيه في الجنينه وقفني نوح وفي ايدو علبه تليفون ايفون
نوح هو انتو ممكن تقبلي مني الهديه دي 
ليه بقا ان شاء الله
نوح عادي ممكن تعتبرها بدايه صداقه اي رايك
هقولك فزوره لو حليتها هاخدها
نوح بحماس قولي طبعا
اخت خالك ومش خالتك تبقي مين
نوح بسرعه امي
عندها بقااا ويلا غور من وشي سبته ومشيت هي ناقصه تخلف 
نوح بضحك يابنت المجنونه
ليل كان واقف شايف اللي بيحصل وعنيه بتطلع شرار بس لما رفضت الهديه فرح اووي 
كنت واقفه مستنيه ميكروباص وليل طلع بالعربيه اركبي انا هوصلك
نعم توصل مييين
ليل ببرود هو فيه حد غيرك هنا
اتفضل ي استاذ ليل انا مش هركب معاك
ليل ليه
عشان مينفعش وكمان كلامك معايا كده مينفعش
ليل طب اعتبريني سواق تاكسي اي المشكله
انا مش مستنيه تاكسي انا مستنيه ميكروباص واهو جه اهو سلام
ركبت ومشيت
ليل اي ده هي مالها مجنونه ولا اي
نوح ركب العربيه جنب ليل وصلني انا بقا طلاما المزه كرفتلك ههههههههه
ليل بطل برود وانزل انا مش هوصل حد واياك تقول عليها مزه تاني وبالاخص قدام العيال
نوح ده احنا بنغير بقا بس بصراحه هي تستاهل
ليل بنفاذ صبر ولاخر مره هقولهالك متتكلمش في الموضوع ده نهائي بدل ممنعك تاجي البيت ده خالص
نوح بتمثيل اتغيرت ي صاحبي بعتني عشانهاا
ليل لف العربيه ودخل البيت ونزل من العربيه وخد المفتاح ودخل البيت
نوح ليل عيييييب كده خدني انااااام معااااااااك
وصلت البيت لقيت عمي ومرات عمي في البيت
قولت في بالي اعوذ بك من الخبث والخبائث
ازيك ي عمي اهلا ي مرات عمي
عمي بعصبيه وصوت عالي اهلا بالمحروسه اللي هتحط راسنا في الطين وهتجبلنا العااااار
اهلاااا بالمحروسه اللي هتحط راسنا في الطين وهتجبلنا العااااار
نعم ..! في اي ي عمي متتكلم كووويس
الحربايه قصدي مرات عمي لاء تعالي ي بت اديلو قلمين منتي بقيتي بجحه
استغفر الله العظيم وانا كنت وجهت ليكي كلااام دلوقتي
عمي دايره تتسرمحي في بيوت الرجاله وكمان بتبجحي
رجاله اي لاء بقولككك اي لحد كده وتقف انا استحملتك كتير اوووي لكن هتوصل انك تقول عليا كده مش هسمحلكككككك
عمي دانا اكسر رقبتك هو عشان ابوكي مېت هتصيعي ولا عشان بقا معاكي شهاده وشغلانه هتشوفي نفسك علينا
مرات عمي ده كفايه ان احنا اللي سمحنالك تكملي تعلم لولا عمك كان في ضهرك كان زمانك مبتعرفيش تفكي الخط
مين مين اللي وقف في ضهري عمي ده اكتر واحد طعني في ضهري وخلينا ساكتين بقااااا
طبعا مش اول مره عمي يتكلم معايا كده بس المرادي زودها اووي والغريب في الموضوع ان ماما مطلعتش تهدي الموضوع او تدافع عني زي كل مره 
ولاد عمي طلعو علي صوتنا ملحوظه اختي الكبيره بسمه متجوزه ياسين ابن عمي ومعاهم مالك وسليم 
ياسين في اي صوتكم عالي ليه
مرات عمي اسأل البجحه اللي قدامك مش محترمه نفسها وغلطت في ابوك ومبقاش حد يهما
ياسين حنين بجد انتي غلطي في ابويا
انا مغلطش في حد ابوك هو اللي بيقول كلام مش مظبوط
بسمه حنين عيب كده ي حبيبتي ده عمك برضو
مرات عمي هو انتو تعرفو حاجه عن العيب ده انتو ناس مابتختشوش
طبعا انا وقتها جبت اخري منها بس حبيت اغيظها
انا مش هرد عليكي تعرفي ليه عشان مش مستوايا اني ارد علي وحده زيك
ياسين حنين عيييب كددده احترمي نفسككك
رديت بعصبيه انا محترمه ڠصب عنكم كلككككككم
وفجاء سمعنا صوت خبطه جامده علي الارض دخلنا بسرعه نشوف في اي بمجرد مشفت ماما واقعه علي الارض مغمي عليها حسيت ان روحي اتسحبت مني 
انا بصړيخ مامااااااا قومي ي مامااااااااا
بعد ساعتين تقريبا واقفين مستنين الدكتور بيكشف عليها
اتكلمت پبكاء بسمه انا خاېفه علي ماما اووي
بسمه بحنان متقلقيش ي حبيبتي ان
شاء الله هتبقي كويسه ماهي لازم تقوم عشانا
كل ده ومرات عمي قاعده هتاكلني بعينها الدكتور خرج من الاوضه 
الدكتور بعصبيه ازاي سبتوها لحد الضغط ما ارتفع عندها كددده
ياسين حضرتك هي فجاء اغمي عليها
الدكتور ازاي ده الضغط ارتفع عندها وكان هيعملها جلطه
اڼهارت زياده في البكاء اااااي ا ايدك ي دكتور بالله عليك مش عايزه ماما يجرالها حاجه
الدكتور ربنا يستر بقا احنا بنعمل اللي علينا والباقي علي ربنا ادعولها انتو بس
عدي يومين وماما محجوزه في المستشفي واصريت ان اختي تروح البيت عشان اولادها وانا اللي اكون مع ماما 
عند ليل
ايان بابا هي ميس حنين مجتش ليه بقالها يومين مش بتاجي
ليل لاء ي حبيبي مش هتاجي بس انا هجبلكم ميس غيرها
تالين لاء مليث دعوه انا عايزه ميس حنين عثان انا بحبها وهي احلي ميس في الدنيا دي كلها
ليل ده اي الحب ده كلو
ايان وانا كمان عايز ميس حنين عشان هي بتجبلي لعب وبتلعب معانا
ليل خلاص هكلمها واخليها تاجي امري لله
في المستشفي
سندس صباح الخيييير
حبيبتي صباح الفل
سندس عارفه انك ھتموتي من الجوع جبتلك فطار نفطر انا وانتي
لاء مش قادره كلي انتي
سندس معقول انتي حنين ده الاول الناس تصحي تغسل وشها وانتي تصحي علي الاكل مش قادره اي بس ده اي الدلع ده
صدقيني والله مليش نفس
سندس مامتك هتبقي كويسه والدكتور طمنا بكده وعمك ومراته دي عادتهم انهم يكلموكي كده زعلانه ليه بقا
انتي عارفه ان مليش غير امي واختي محدش هيحبني قدهم مهما عيلتي وقفت جنبي مش هيعوضو مكانهم لما شفتها واقعه علي الارض كنت ھموت وكل ده بسبب عمي والحربايه مراته
سندس حنيين بس لحد يسمعك
رديت بعصبيه انا مش خاېفه منهم
سندس عارفه انك مش خاېفه منهم بس خافي علي مامتك هي مش حمل تعب تاني مصدقنا انها بتفوق بالله عليكي طنشي كلامهم وحطي في بالك مامتك وبس
اتنهدت ربنا يعدي اليومين دول علي خير واعرف امسك لساني
سندي هتعرفي امال بسمه فين
لسه مجتش هتودي مالك الحضانه وهتجيب لبس وحاجات لماما وهتاجي
سندس طب يلا ناكل بقا انا علي لحم بطني
نوح اي ي عم مش مركز ليه في الشغل
ليل برن كتير علي حنين