صعيدي خطڤ قلبي
دي بحس ان هي بتقتلني من جوه
ميرا _ نعم يا باشمهندس مهران عايز ايه دلوقتي!!
مهران _ انا بس كنت جاي اعتذر
ميرا بسخرية _ على ايه يا مهران
واكملت بجدية
انت بس قلت نظرتك فيا
ممكن بقى تمشي من فضلك لاني مش عايزه اشوفك
وميرا جاي تقفل الباب مهران حط يده وفتحه
مهران _ مش همشي غير لما تسمعي كل كلامي يا ميرا
مهران _ لا هتسمعي و ڠصبا عنك كمان
ميرا _ مهران قولتلك اطلع
مهران شدها من ايدها لحضنه وقال بهدوء تام وعيونه في عيون ميرا _
اسمعيني من فضلك انا عارف اني غلطت بس صدقيني اللي انا قولته ده مش حقيقي
انا بس خفت عليكي والله العظيم
عايزة تعرفي انا بشوفك ايه
بشوفك اطيب انسانة واقوي واحلي واحدة
بشوفك انسانة محترمة بتهتم بشغلها ومستقبلها
فوق ده كله يا ميرا انا
ميرا في اللحظة دي قلبها دقاته عليت جدا وكأن قلبها بيقول _ ايوة قولها
و
بعدين مهران قال _ أنا أنا
وحس على نفسه هو كان هيقول أيه وبعدين قال_
أنا بحترمك جدا يا ميرو صدقيني ما تزعليش مني
ميرا بهدوء والدموع اتجمعت في عيناها وبتحاول تحبسها _
ايوه بس انتي چرحتني اوي بكلامك يا مهران
ودمعة من عيناها خانتها وهربت على خدها
مهران حس بۏجع في قلبه وبعد كده مسح الدمعه وقال_
بصيلي كده يا ميرا
بوصى فى عيونى
انتي شايفاني اني كان قصدي الكلام ده
ردي يا ميرا
ميرا _ لا يا مهران
مهران _ طب خلاص ارجوكي ما تزعليش لاني مش هقدر على زعلك اسف
ميرا بضحك _ البشمهندس مهران يا جماعه بيقول لي أسف او ماي جاد
مهران بضحك هو كمان _ شوفتي بقى
واكمل بجدية _
عموما انا فعلا غلطان عشان كده جاي اعتذر
وبتمنى بجد تقبلي اعتذاري
للكاتبة حنين عبدالرحيم حنون
ميرا بابتسامة _ لا مش زعلانه خلاص
كفاية انك اعتذرت خلاص
ايه رايك بقى ننسي كل خلافتنا ونبقى اصحاب عادي
مهران بشك _ بصراحه يا ميرا مش قادر اثق فيكي وثقت فيكي المره اللي فاتت وياريتني ما وثقت
ميرا بضحك
_ لا ما تخافش المره دي بجد
ميرا _ من غير قط وفار والكلام ده
مهران بابتسامة _ اكيد طبعا موافق
ميرا _ طب تمام يا برو
بمناسبه المقالب صح يا مهران
انت ازاي كان معاك صاروخ
لما كنا ماشيين مع بعض
وولعت صاروخ ورايا
انت بتشيل صورايخ ليه!!
انت عيل صغير!
مهران بضحك _ لا مش كده بس ساره اختي بتحب الصورايخ اوي
علشان كده بيبقى في جيبي على طول صواريخ
لما الاقيها زعلانه متضايقه او حتى فرحانه
وعايزه افزعها اۏلع لها صاروخ
ميرا بضحك _ انت فصلان يا مهران بس انا ما كنتش شايفه الجانب ده في شخصيتك ليه!!
مهران _ جايز علشان انتي اللي مش عايزه تشوفي!!
ميرا سكتت
وبعدين قالت _ تشرب قهوه
مهران _ بتعرفي تعمليها ولا اجهز رقم الاسعاف
ميرا _ يا ابني انا هبهرك
مهران _ وريني
وفعلا عملوا قهوة واقعدوا اتكلموا مع بعض شويه وبعدين مهران قال _
لازم امشي بقى اروح السكن علشان عليا شغل الصبح
ميرا_ مهران هو انت هتفضل في السكن ده على طول!!
مهران _ لا اساسا يوم او يومين بالكثير وهعاود للدار
ميرا _ ايوة عليك وانت بتتكلم صعيدييلا ترجع بالسلامة
مهران _ يلا تصبحي على خير
ميرا_ وانت من اهله
وبعدين مهران مشي ونزل
وميرا دخلت اوضتها ورمت نفسها على السرير
و حاسه ان هي مبسوطه جدا من جواها
مش عارفه ليه!!!!
بس حاسه ان من كثر الفرحه خلاص قلبها هيخرج منها
ميرا _ مش عارفه في ايه
بس انا مبسوطه مبسوطه اوي كمان
انا ليه فرحانه كده لما قابلته و قعدت معاه
روحي يا ميرا ربنا يكرمك بلاش تتخاني ثاني
احنا مش ناقصين
يعني مش حمل ۏجع قلب تاني
بس انا حاسه بحاجات عمري ما حسيتها وانا مع مازن خالص
جايز مازن كان مجرد احتياج لشخص جنبي
بس مهران يعنيممكن اكونلا مستحيلمستحيل اقولها
وفضلت تفكر وتكلم نفسها لحد ما راحت في سابع نومة
للكاتبة حنين عبدالرحيم حنون
على الجانب الآخر
مهران راح على السكن ودخل اوضته وبدا يبتسم
من غير سبب كل ما تيجي قدامه اللحظات اللي فاتت وصوره ميرا_
ايه اللي شجلبك حالك كدة يا مهران شكل جلبك ده مش هيجيبها لبر حوصلي ايه عاد مجرد ما شوفتها
حسيت اني كل الكلام راح مني وأن جلبي بس هو اللي بيتحدت كان هيوديني في داهية جلبي ده
وكان هيجول كلام مش رايد اجوله واصل
بس مش خابر عاد ايه اللي حوصل
بس اللي جايز يبقي صح ان ميرا مهمة لجلبي جدا
وجلبي بيجي قدامها ومبقدرش أتحكم فيه
المهم فضل يغرق هو كمان في التفكير لحد ما القمر بتاعنا ده نام
كل أبطالنا الحلوين ناموا
جاء الصباح
ميرا صحيت كالعاده بابتسامتها اللي بتاخد العقل اخذت شاور و لبست ونزلت على الفطار
و كان الكل قاعد فطرت و كده
كانت قاعده جنب محمود
محمود _ ميروكيفك ضلوك زينة !!!
ميرا _ اه الحمد لله بقيت كويسه
محمود _ طب زين
خلصوا فطار
و محمود راح تدريبه
وميرا كالعاده قاعده في البيت
وبعدين طلعت اوضتها بقى
قاعده على فيسبوك شويه وبعدين على الواتس شويه من ده الي ده
لحد ما قالت_ اما اقوم الف البيت الكبير ده
واشوفه كده
انا لحد دلوقتي ماعرفش غير مكان اوضتي و اوضه محمود واوضة مهران طبعا علشان جنبي
المهم ميرا نزلت قعدت تمشي كده
وتشوف الاوض كلها
لحد ما جاءت عند اوضه افتكرت انها الاوضه اللي مهران كان جايبها فيها قبل كده
ايوه الاوضه اللي هي كان كلها ورسومات
بتبص على الباب لقيت المفتاح في الباب
لسه جايه تفتح لقيت صوت من وراها بيقول_
لع يا ست ميرا اوعي تعمليها
للكاتبة حنين عبدالرحيم حنون
بتبص لقاتها ام فوزي
ميرا _ في ايه يا ام فوزي!
أم فوزي _ اوعى يا ست ميرا تفتحي الجاعه دي واصل
لأن دي بتاعة استاذ مهران ما بيحبش حد يدخلها
واصل غيره
هو شكله نسي المفتاح في الباب بس الجاعه دي غاليه عليه جوي يا بنيتي
ميرا_ ايوه بس هو قبل كده خذني و دخلني هنا
ام فوزي _ ايوه يا بنيتي
هو يدخلك ماشي بس ماحدش يدخل من دون اذنه لانه بالنسبه له الجاعة
دي حاجه ثانيه
ميرا _ اشمعنى يعني!!!
ام فوزي _ مش خابره يا ست ميرا
بس هو عيقول ان الاوضه دي ما بيحبش حد يدخلها واصل ده حتي اخته الصغيره ساره لما مره دخلتها من غير علمه وخربت حاجه فيها
ضربها لدرجه انها يا حبة عيني ڼزفت من خشمها
بس هو جلبه طيب جوي ساعتها كان كيف المچنون لما شافها كدة وكان خاېف عليها
ميرا _ ياااا للدرجة دي
ام فوزي _ ايوة يا ست ميرا
ميرا _ ماشي يا ام فوزي
ميرا مشيت بس جواها تساؤلات كثير هو ليه يعني الاوضه دي معقول مثلا تكون ليها علاقه بأميرة حبيبته الا حكالي عنها
بس هو قال انه نساها
اومال اشمعنى ما حدش يدخل الاوضة دي
أما انسان غريب الاطوار بصحيح
ميرا فضلت قاعدة شوية وكدة بتكمل رواية
الأسود يليق بك لحد ما وقفت عند اقتباس
الحب هو اثنان يضحكان للأشياء نفسها يحزنان في اللحظة نفسها يشتعلان و ينطفئان معا بعود كبريت واحد دون تنسيق أو اتفاق
وبعدين ام فوزي نادت عليها علشان الغدانزلت تتغدا
الجد _ مهران معاود بكره الدار يا اولاد
هيرجع وسطينا ثاني
حامد _ الحمد لله يا ابوي
حسام _ يعاود بالسلامة يا اخوي
حامد _ الله يخليك يا اخوي
ميرا في نفسها _ يعني هو راجع خلاص
بس ثانيه ثانيه هو انا مبسوطه كده ليه !!
عادي يعني جايز علشان خلاص بقينا صحاب وما بقاش في بيننا خلافات زي الاول ايوة جايز
المهم الكل خلص غدا
والليل جاء
ميرا راحت لمحمود
ميرا _ صبح تاتا اثنين في ثلاثه يا حوده
محمود _ اهلا بالمچرمة
ميرا _ مجرمه في عينك صح بتعرف تعمل قهوه!!
محمود _ اه عادي
ميرا _ وانا كمان بعرف اعمل بقى اثنين قهوه كده ونشغل اغاني البوي باند لان جوايا كبت وعايزه اخرجه
محمود _ ما تعملي انتي
ميرا ببراءة مصطنعة _ كده يا حوده تكسر بخاطر اختك
محمود _ أباي عليكي حاضر يا ست ميرو
وعملوا القهوه وشغلوا اغنيه عيشها بدماغك
للبوي باند وفصلوا يدندنوا معاها
وميرا قامت تتنطط
محمود بضحك _ اهدي يا مجنونه
ميرا _ يا عم قوم اتنطط معاي وتطلع الكبت اللي جواك
محمود _ لا شكرا مبحبش الطنطيط
ميرا _ عيل فقر مبتحبش حاجة عموما النوم كبس عليا تصبح على خير يا برو
محمود _ وانتي من اهله يا اختي
وراحت اوضتها وحاطت دماغها على المخده ونامت
وكل ابطالنا الحلوين ناموا
جاء الصباح
ميرا صحيت كالعاده اخذت شاور ولبست ونزلت
لقيت الكل قاعدين على السفره
فطرت وكده وبعدين كل واحد راح يشوف هيعمل ايه!
وميرا طلعت اوضتها
ريحت شوية مع انها لسه صاحية من النوم
بس عادي نامت تاني
بعدين صحيت كالعاده قعدت تقرأ الروايه
روايه الاسود يليق بك
وبعدين وهي بتقرا الباب خبط
ميرا _ ايوه اتفضل ادخل
أم فوزي _ يا ست ميرا جدي باعتني لكيم كلياتكم اصوت عليكم علشان عايزكم تتجمعوا
ميرا _ خير في حاجه يا ام فوزي!!!!
أم فوزي _ لع يا ست ميرا
بس تلاجي هيجمعكم علشان سي مهران
على وصول
للكاتبة حنين عبدالرحيم حنون
ميرا _ ماشي يا ام فوزي روحي وانا جاية وراكي اهو
ام فوزي _ اللي تؤمري بيه يا ست ميرا
ميرا _ الباشمهندس مهران جاي
بس انا مالي مبسوطه كدة ليه
ما يجي!!!
انا هنزل بس علشان خاطر جدو نده عليا ايوه علشان السبب ده بس امال علشان ايه يعني
ميرا نزلت لقيت الكل متجمع
وقعدوا يتكلموا مع بعض لحد ما مهران وصل
اول ما دخل راح باس ايد جده
الجد _ حمد لله على سلامتك يا ولدي نورت دارك
مهران _ الدار منور باهله يا جدي
وراح سلم على باقي العيله و راح عند ميرا هي كمان يسلم عليها
مهران _ ميرا
ميرا أول ما قال أسمها دقات قلبها عليت
ميرا في نفسها _ يا عم اسكت يا عم
هيغمي عليا بس لانك قولت اسمي
وبعدين ردت _ أيه يا مهران عامل ايه!!!!
مهران _ الحمد لله زين انتي كيفك!!!
ميرا _ تمام الحمد لله حمد لله على سلامتك
مهران _ الله يسلمك
الجد _ أم فوزي
ام فوزي _ نعم يا جدي!!
الجد_ خدي خلجات مهران طلعيهم على جاعته
أم فوزي _ حاضر يا
جدي
المهم كلهم قاعدوا مع بعض
وبعدين اتغدوا وخلصوا
وكل واحد طلع على اوضته
للكاتبة حنين عبدالرحيم حنون
ميرا دخلت على طول اخدت شاور وغابت وهي بتاخد الشاور لان بصراحة الجو كان حر جدا وهي ما صدقت دخلت تحت الماية
المهم خلصت الشاور وطلعت لبست وقعدت على السرير مسكت الفون وقعدت على الفيس وقعدت شوية تشوف بوستات و الموضة
وهي قاعده عليه جاء لها اشعار من فيسبوك ان جالها طلب
