رواية حب مجهول الهوية بقلمي ملك إبراهيم.
ورديت عليها بنفس الهمس اه وده طارق جوزي تعالي اعرفك عليه.
هند بهمس يعني ده جوزك وده اخوه! ماشاءالله هي حماتك كانت بتتوحم على ايه وهي حامل فيهم!
ضحكت وقولتلها مش عارفه والله تعالي نسألهم.
هند شهقت باحراج وانا اخدتها من ايديها وقربت من طارق وبوكيه الورد معايا وقولتله هند جايه تطمن عليك وجيبالك الورد الحلو ده.
طارق شكرا يا هند تعبتي نفسك.
هند بخجل الف سلامه عليك.
طاهر واقف هيتجنن مش فاهم ازاي بوكيه الورد ملفتش انتباه حد فيهم حتى اخوه!
بصيت ل هند وقولتلها انا فرحانه اوي اني شوفتك النهارده.
وطاهر غمز لاخوه على بوكيه الورد وقاله بهمس هو ده عادي!!
مسكت ايد هند وانا فرحانه اوي اني شوفتها وبالصدفه بصيت علي ايديها ولقيت مكان الدبله بتاعها فاضي وشهقت پصدمة وقولتلها بت فين
________________________________________
دبلتك
هند بحزن ما انا سمعت بنصيحتك بقى يا احلام.
طارق ضحك جامد وهو پيتألم من الۏجع وطاهر واقف مش فاهم حاجة وانا شهقت پصدمة سمعتي نصحتي ازاي يعني سيبتيه بسببي!!
انفعلت معاها وقولت پصدمة لاااا دي زودتها اوي اوي اومال كانت عايزة تركب الشفاط فين بقى ان شاء الله! ولا عايزنك تتخنقي من الدخان بتاع المطبخ!
طاهر همس لاخوه بستغراب دخان ايه هي هتطبخ ولا هتولع في المطبخ!
طاهر واقف مصډوم من اللي بيسمعه وانا اخدت هند وقولتلها تعالي نكمل كلامنا برا وتحكيلي اللي حصل كله.
خرجنا انا وهند وقفلنا الباب على طاهر وطارق.
طاهر بص لاخوه اول لما الباب اتقفل وقاله لا أفهم بقى هو اللي انا شوفته وسمعته ده كله طبيعي!
طاهر پصدمة معقول سابت خطيبها عشان مش عايز يركب شفاط فوق البوتجاز!!
طارق وهو بيضحك لا طبعا مش هتسيبه عشان كده.. في اسباب أخطر من السبب ده.
طاهر باهتمام اسباب ايه
طارق وهو بيحاول يسيطر على ضحكته يعني تخيل مش عايز يعمل سيراميك الحمام بيبي بيلو!
طاهر بدهشه هو ايه البيبي بيلو ده نوع السيراميك يعني
طاهر اټصدم وبص لاخوه بدون رد فعل وطارق كمل كلامه وقال والاكبر بقى انه مش عايز يكتب اوضة الاطفال في القايمة.
طاهر پصدمة قايمه!!
طارق وهو بيضحك ودلوقتي مش عايز يركب شفاط فوق البوتجاز!
طاهر پصدمة انت بتتكلم بجد ولا هزار
طارق وهو بيضحك للاسف بجد.
طاهر بص على بوكيه الورد وقال هو انا صحيح مستغرب ليه!
ومسك البوكيه الورد من جنب طارق واخد ورقة جرجير منه وأكلها وهو شارد وقاله طب افهم بقى انت ازاي مستغربتش لما شوفت بوكيه الجرجير ده!
طارق لان بالنسبه لاحلام وهند دا شئ طبيعي انت مشوفتش احلام كانت مبهورة بيه ازاي
طاهر ما هو ده اللي هيجنني.
طارق كان بيضحك وطاهر بصله وافتكر موضوع بسمه وجوزها وقاله صحيح في موضوع مهم عايز اكلمك فيه.
طارق في ايه
طاهر هو جوز بسمه اخت مراتك كان معاك في التسليم ليه
طارق بحزن هو جراله حاجة ماټ
طاهر لا بس حالته صعبه شويه.
طارق يعني هو لسه عايش
طاهر اه بس انا عايز افهم انت خدته معاك ليه ودخلته في الحوار ده
طارق هو اللي جه بمزاجه وكان متفق مع الناس اللي عايزين البحث انه يوصلهم لمكاني وانا سيبته جوه عربيتي وهما اللي خرجوه من العربيه وضربوا عليه ڼار.
طاهر بص قدامه بتفكير وافتكر كلام بسمه له وقال طب في حاجة انت لازم تعرفها.
طارق
بستغراب في ايه
طاهر مراته فاكره ان انت السبب في اللي حصله وانه كان رايح معاك عشان ينقذها والكلام ده وحاطه ذنب كل اللي حصله عليك انت واحلام وللاسف رافضه تتكلم مع احلام من ساعة ما عرفت اللي حصله وهي قاعده معاه في اوضته.
طارق بعصبيه هي بسمه دي ايه غبيه! معقول بعد كل اللي عمله معاها ده ولسه مصدقه انه ممكن يضحي عشانها!
طاهر هي فعلا شكلها غبيه بس في النهاية هي اخت مراتك واحلام ملهاش ذنب تخسر اختها بسبب موضوع زي ده وانت لازم توضحلها اللي حصل عشان تعرف حقيقته.
طارق پغضب مش هتصدق
________________________________________
اي كلام غير الاوهام اللي في دماغها وانا اللي يهمني احلام وانها تصدق اني مستحيل اعمل كده.
طاهر بثقة لا من الناحيه دي اطمن احلام واثقه فيك ومتأكدة انك مستحيل تعمل كده.
بص طاهر لبوكيه الورد اللي في ايديه واكتشف انه عمال ياكل من
أوراق الجرجير وهو بيتكلم مع اخوه ومش واخد باله وبص ل طارق وضحك وقال سيبك من كل ده دلوقتي وخد كل جرجير دوقه والله طعمه حلو.
طارق بصله بطرف عينيه وقاله انت بتاكله بجد انت مچنون يابني!!
طاهر وهو بيضحك حلو والله.. بقولك ايه عايز اسألك عن حاجة.
طارق باهتمام حاجة ايه
طاهر هو احنا عندنا في القصر سيراميك الحمامات لونه ايه.. رواية حب مجهول الهوية بقلمي ملك إبراهيم.
عند احلام وهند.
هند بغيظ بعد ما حكت كل حاجة لاحلام عن خطيبها اللي سابته.
هند والله يا احلام انا مش زعلانه اصلا من اول ما اتخطبنا واحنا في مشاكل بسبب امه.
احلام معلش يا هند بكره ربنا هيعوضك انا متأكدة بس انتي متزعليش.
هند هزعل ليه اصلا انا مكنتش مخطوبه له عن حب انتي عارفه انا قولت اهو عريس مناسب وخلاص بس مفيش نصيب بقى.
هزيت راسي بابتسامه وقولت ومحدش يعرف نصيبه فين بس اكيد عوض ربنا بيكون اجمل بكتير.
هند الحمدلله.. بس المهم اختك بسمه فين وجوزها عامل ايه دلوقتي والله زعلت عشانه.
رديت عليها بحزن بسمه زعلانه مني وفاكره ان طارق هو السبب في اللي حصل ل جوزها!
هند جوزك السبب ازاي يعني مش فاهمه!
احلام هي تفكيرها كده وفاكره ان شاكر قال كان رايح ينقذها!
هند وهي بتضحك اختك دي خيالها واسع اوي! بقى شاكر ممكن يفكر يضحي عشانها بنفسه ويروح ينقذها والكلام ده دي تبقى عبيطه لو صدقت!
احلام هي بقى للاسف مصدقه وواثقه كمان فيه.
هند بغيظ طب تعالي خديني عندها نطمن على جوزها واتكلم معاها يمكن تفهم..
و ما نتحرك هند وقفتني تاني وقالت بس هدخل عليهم بإيدي فاضيه كده ياريت كنت افتكرت وجبت بوكيه ورد كمان.
احلام بابتسامة يابنتي ورد ايه هو انتي غريبه عننا تعالي بس يلا.
وطلعنا انا وهند الدور اللي فيه غرفة شاكر وبسمه مقيمه معاه في نفس الغرفة.
بسمه اول لما شافتني انتفضت من مكانها پغضب وهند قربت منها تسلم عليها.
هند الف سلامه على جوزك يا بسمه.
بسمه ردت عليها وهي بتبصلي بطرف عينيها الله يسلمك يا هند.
احلام بهدوء شاكر عامل ايه دلوقتي يا بسمه
بسمه بغيظ هيعمل ايه يعني اهو ياحبيبي عايش على المسكنات اللي الدكاترة بتديهاله عشان يفضل نايم وميحسش بالۏجع اللي في جسمه.. هنقول ايه بس منه لله اللي كان السبب
اتعصبت عليها وقولتلها انتي بتدعي على مين يا بسمه هو انتي لسه مصدقه الأوهام اللي في دماغكي دي! بقى شاكر ممكن يضحي بنفسه عشانك وكل الهبل اللي في دماغك ده!
بسمه پغضب وميضحيش عشاني ليه يا ست احلام! هو انتي شيفاني مستهلش انه يضحي عشاني!
هند تدخلت بسرعه اهدوا يا جماعه انتوا اخوات مينفعش كده وكمان احنا في مستشفى عيب العيانين يقولوا علينا ايه بس!
بسمه پغضب لازم صحبتك تفوق لنفسها وتعرف ان مش هي بس اللي جوزها كان مستعد يضحي بحياته عشانها.. انا كمان جوزي ضحى عشاني!
بصتلها پصدمة والدموع لمعت في عيني وقولتلها انا عايزة اقولك بس ان مفيش حد في الدنيا دي هيحبك وېخاف عليكي اكتر مني وقولتلهالك الف مرة جوزي ملوش علاقه خالص بلي حصل واكيد شاكر هو اللي.....
قاطعتني بسمه بنبرة حادة
________________________________________
مش عايزة اسمع منك حاجة وروحي للباشا جوزك
يا احلام اللي عرف يشتريكي بفلوسه.
بصتلها پصدمة وهند مسكتني من دراعي وقالت احلام اهدي وتعالي معايا ونسيب بسمه هي كمان تهدى شويه.
بصيت ل بسمه بحزن وانا مصډومة فيها وحاسه بخيبة الامل والخذلان وخرجت مع هند واول لما خرجنا دموعي نزلت وعيطت بحزن.
هند احلام اهدي معلش هي بس زعلانه عشان جوزها ولما تفوق من اللي هي فيه ده هتعرف انها غلطانه.
رديت بحزن الكلام اللي في القلب هو اللي بيطلع وقت الزعل يا هند وبسمه قالت اللي في قلبها بس انا مش زعلانه منها هي مهما قالت ومهما عملت اختي الوحيدة اللي مليش غيرها.
هند معلش يا احلام ربنا يهديها متزعليش.. وامسحي دموعك دي عشان جوزك ميحسش بحاجة.
مسحت دموعي وهند اتكلمت بابتسامة انا همشي بقى عشان متأخرش.
احلام ماشي يا حبيبتي خلي بالك من نفسك.
سلمت على هند وهي مشيت وانا روحت على اوضة طارق ووقفت امسح دموعي كويس ما ادخل عنده واول لما دخلت رسمت ابتسامه هاديه على شفايفي وطاهر قرب مني وسألني باهتمام هي صحبتك مشيت ولا ايه
رديت بهدوء اه مشيت.
طاهر طب انا عندي مشوار مهم لازم اروحه حالا عن اذنكم.
طاهر خرج بسرعه وطارق ابتسم لما لاحظ اهتمام اخوه ب هند وبص ل احلام اللي كانت واقفه شاردة ومش قادره تنسى كلام اختها القاسې.
طارق احلام.. احلام.
خرجت من شرودي على صوت طارق وبصتله بتوتر نعم.. انت بتنادي عليا!
طارق فهم اني زعلانه عشان بسمه وقال تعالي هنا يا احلام قربي مني.
قربت منه وانا بحاول ابتسم عشان ميحسش بحاجة لكنه اتكلم على طول بدون مقدمات وقال بسمه اختك عامله ايه
بصتله بتوتر وفجأة دموعي نزلت من عيوني وبكيت بحزن. دموعي وجعت قلبه وقال بحزن انا عرفت اللي حصل يا احلام وصدقيني انا مستحيل أتسبب في أذى لجوز اختك بالعكس هو لاخر لحظة كان مكمل مع الناس اللي اتفق معاهم وهو اللي جابهم للمكان اللي احنا كنا فيه وانا كنت عارف انه على اتصال بيهم وكان مكمل معاهم للاخر ومفكرش في اختك وابنه ولا في حياتهم ولا الكلام اللي اختك بتقوله ده خالص.
بصتله وانا ببكي وقولت انا متأكدة وواثقه في كلامك وعارفه ان شاكر مستحيل يعمل حاجة عشان بسمه وكنت متأكده ان كل حاجة حصلت له هو السبب فيها بس بسمه مش عايزة تصدق ده!
طارق بدهشة ازاي بعد ما كلمته وهي فاكرة انكم مخطوفين وهو اتخلى عنها!!
رديت بحزن بسمه لاغيه عقلها ومش عايزة تسمع اي حاجة.
طارق انا هخليها تصدق بنفسها لان
