رواية حب مجهول الهوية بقلمي ملك إبراهيم.

على اللي هو عمله بس مش ده الوقت ولا المكان المناسب.
سمير بقلق قصدك ايه يا عمي.
ابو هند قصدي ان بنتي مش هتتجوزك يا سمير وابعد عن طريقها ولو اتعرضت ليها تاني في طريق انا اللي هقفلك.
ام سمير پغضب لابنها عجبك كده انا قولتلك من الاول الجوازة دي متنفعكش.
احلام عين العقل يا ام سمير خدي ابنك يلا وتوكلوا على الله.
سمير بصلي پغضب وقال وحياة امي يا احلام مش هسيبك.
طارق اټجنن لما سمير هددني قدامه وقرب منه وهو بيبصله بقوة وقاله انت بتهدد مراتي قدامي!
وبضربه واحده من طارق في دماغ سمير ولقينا جسم سمير رجع لورا في حضڼ
________________________________________
امه وحط أيديه على دماغه وفي ډم ڼزف بسرعه من انفه وانا مبهورة من اللي طارق عمله دا بضربه واحده عمل فيه كده وطاهر كان كاتم غضبه من سمير ومنتظر لما نمشي من بيت هند.. وخال سمير وعمه خدوه بسرعه هو وامه وخرجوا من بيت هند وانا واقفه بكتم ضحكتي بعد اللي طارق عمله في سمير وطارق بصلي بغيظ وقالي ممكن مسمعش صوتك تاني لحد ما نمشي.
كتمت صوتي بإيدي وانا بهز دماغي طبعا انا مش مستغنيه عن نفسي دا بضربه واحدة ل سمير جابله ارتجاج! 
طارق بص ل ابو هند واتكلم انا طبعا بعتذر لحضرتك على اللي حصل دلوقتي ده بس اكيد انا مش هسمحله ېهدد مراتي وانا موجود!
كلامه ياناس بيخطف قلبي حبيبي اللي مش بيسمح لحد يزعلني
كمل كلامه وقال احنا جينا لحضرتك النهارده عشان نطلب ايد الانسه هند لاخويا طاهر.
وشاور طارق علي طاهر وابو هند بص له وطاهر اتكلم وقال انا يشرفني اني اطلب ايد الانسه هند بنت حضرتك وبتمنى حضرتك توافق.
طبعا انا مقدرتش امسك نفسي اكتر من كده وقولتله وافق يا عمي والله طاهر ابن حلال وهيسعد هند صدقني.
ابو هند ضحك وطارق بصلي بطرف عينيه عشان متدخلش في الكلام تاني وانا كتمت صوتي تاني وابو هند اتكلم مع طاهر وقاله وانت يابني بتشتغل ايه
طاهر انا درست إدارة أعمال وعندي شركة والدي الله يرحمه انا بديرها وطارق اخويا معايا طبعا وشريكي في كل حاجة بس طارق عنده شغله الخاص بعيد عن الشركة وانا بكون المسؤول في غياب طارق.
طارق اتكلم وعايشين في بيت العيله اللي بيجمعنا وانا واحلام اتجوزنا فيه وطاهر عنده جناح خاص بيه وطبعا هنفرشه علي ذوق انسه هند ان شاء الله لو في نصيب.
مقدرتش اسكت كتير وقولت والقصر كبير جدا يا عمي والجناح كأنه شقتين في بعض ومش هتحتاجوا تيجبوا اي حاجة كل حاجة موجودة.
ابو هند ومامتها بصوا لبعض وابتسموا وطارق تعب وزهق مني وقالي بقولك ايه يا احلام ما تقومي تشوفي صحبتك كده وسيبينا نعرف نتكلم.
بصيتله بغيظ وقولتله حاضر.
قومت روحت عند هند وطارق اتكلم مع ابو هند وقاله حضرتك احنا مستعدين لاي طلبات تطلبوها.
ابو هند بصراحة انتوا فجأتونا بطلبكم ده وشكلكم ولاد أكابر يعني وانا مش عايز بنتي تحس بفرق المستوى بينا وبينكم في يوم.
طارق حضرتك احنا بنشتغل وربنا بيكرمنا زينا زي اي حد والارزاق دي بتاع ربنا وبيقسم الارازق علينا
بالتساوي وبنت حضرتك بأخلاقها وتربيتها وادبها عندنا اغنى من بنات كتير.
ابو هند بسعادة ربنا يكرم اصلك انتوا شكلكم ولاد ناس ومتربين وانا اكيد مش هلاقي لبنتي عريس احسن من اخوك بس برضه هحتاج وقت نفكر وناخد رأي العروسه.
في اللحظة دي احلام دخلت عليهم لووووولوووووي انا
________________________________________
سألت العروسه وهي موافقة يلا نقرا الفاتحة.
طارق اټصدم وقال مفيش فايدة.
وطاهر كان ھيموت من الضحك هو وابو هند ومامتها واسامه.
ابو هند وهو بيضحك وانا مش هنزل كلمة احلام.. نقرا الفاتحة.
ابتسمت بسعادة وكلهم رفعوا ايديهم يقروا الفاتحة وانا جريت على اوضة هند وهي واقفه متوتره. 
احلام الف مبروك يا هند بيقروا الفاتحة.
هند بسعادة بجد يا احلام
احلام اه والله الف مبروك يا حبيبتي واخيرا يا هند هتبقي سلفتي ونعيش في بيت واحد.
هند بسعادة انا فرحانه عشان كده بس والله.
احلام يابت انتي هتضحكي عليا ولا ايه بقى انتي فرحانه عشان هتبقي سلفتي بس ولا عشان هتبقي مرات طاهر.
هند بخجل خلاص بقى يا احلام انا مش هنكر انه عجبني من اول مرة شوفته فيها وكنت بحس بحاجة غريبه في قلبي كده لما بشوفه.
احلام اهو هتبقي معاه على طول وهتعيشي معايا في نفس البيت.
هند يااه يا احلام انا نفسي اليوم ده يجي اوي.
احلام ان شاء الله قريب يا حبيبتي... رواية حب مجهول الهوية بقلمي ملك إبراهيم.
بعد وقت كنا في العربيه وراجعين على القصر وطارق اللي سايق وطاهر قاعد جنبه
وانا قاعده ورا. 
طاهر احلام النهارده عملت معايا الصح شكرا يا احلى مرات اخ.
رديت عليه بثقة انا وعدتك اني اختارلك واجوزك احلى عروسه.
طاهر ضحك وقال والله لو امي الله يرحمها عايشه مش هتعمل معايا المجهود اللي انتي عملتيه النهارده
طارق بصلي في المرايا وقال ماشاء الله مفصلتش دقيقه من ساعة ما دخلنا بيت الناس.
بصيت ل طارق وافتكرت لما ضړب سمير ومت من الضحك وطاهر كمان ضحك وهو مش فاهم انا بضحك على ايه وطارق اتضايق مننا ومن ضحكنا وقال لو مسكتوش انتوا الاتنين انا هوقف العربيه وانزلكم.
طاهر قاله وهو بيضحك وانا مالي يا كبير مراتك هي اللي بتضحك.
طارق بصلي في المرايا اللي قدامه وهو بيضغط على شفايفه وقال بغيظ تمام اوي.
حاولت اكتم ضحكتي وانا بشاور له ب إيدي.
بعد وقت وصلنا القصر واول لما نزلنا من العربيه بصيت ل طارق وضحكت تاني وكنت فعلا ھموت من الضحك وانا بفتكر لما طارق ضړب سمير 
طارق اتغاظ من ضحكي الكتير ووقفني وقال بغيظ ممكن افهم انتي بتضحكي على ايه
رديت وانا بضحك كل ما افتكر اللي انت عملته في سمير بضحك
طارق بغيظ وايه اللي حصل يضحك يعني!
احلام اصل انا كنت قاصده استفز سمير عشان يغلط وانت تضربه
اول لما قولت كده ضحكت اكتر وطاهر كمان ضحك معايا وطارق رفع حاجبه وقالي بغيظ ااه قولتيلي.
احلام بصراحة كان شكلك حلو اوي وانت بتضربه
وبصيت ل طاهر وقولتله صح
طاهر وهو بيضحك حصل.. دا انت اديت للواد ضربه رجع في حضڼ امه تاني 
طارق بصلنا احنا الاتنين بغيظ وقال والله انت وهي تافهين.
وسابنا ودخل على القصر وانا جريت وراه
________________________________________
وطاهر دخل ورانا وكنا لسه بنضحك واتوقف صوت ضحكنا مع صوت خطوات لكعب عالي نازل من فوق ووقفنا احنا التلاته نبص پصدمة. 
مرااااام!!!
نزلت مرام بخطواتها الواثقه وقالت وهي نازله علي الدرج كنتوا فين كل ده انا هنا بدري!
طارق وطاهر بصوا لبعض وهي قربت مننا ووقفت بثقة وقالت ايه مفيش حمدلله على السلامه!
طارق بجمود انتي خرجتي ازاي!
بصتله اوي وقالت بسخريه هي دي حمدلله على السلامه!!
طاهر پغضب مرااام.. انتي خرجتي ازاي!
بصت ل طاهر وقربت منه وقربت اوي وهي بتهمس ليه برقه زي ما انت رجعت من المۏت يا حبيبي..
ولسه بترفع ايديها تحطها على صدر طاهر لكنه مسك ايديها بقوة ودفعها بعيد عنه وقالها ردي يا مرام خرجتي ازاي
مرام بصتله پغضب وبعدت عنه خطوتين وبصتلي من فوق لتحت وقالت اكيد مش هينفع نتكلم هنا!
طارق وطاهر بصوا لبعض وطارق اتكلم معايا ونظرات عينيه كانت كلها ڠضب ل مرام احلام اطلعي فوق انتي.
بصيت ل طارق وكنت لسه هتكلم لكنه ضغط على الكلام مرة تانيه بتحذير وقال اطلعي يا
احلام.
بصيت له بزعل وبصيت ل مرام بغيظ وشوفت ضحكه سخيفه على شفايفها وهي بتهز راسها بسخريه وانا سبتهم وطلعت على فوق وانا مضايقه منها وزعلانه من طارق.
بعد طلوع احلام بصت مرام عليها وقالت بسخريه مش مناسبه لعيلة زهران ابدا!
طارق پغضب مرام.. الزمي حدودك واتكلمي معندناش وقت ليكي!
بصت ل طارق وقالت بسخريه عايزين تعرفوا انا خرجت ازاي! بابا اعترف انه المسؤول الاول والوحيد عن كل الصفقات المشپوه اللي تمت في الشركة.
طارق وطاهر بصوا لبعض وطارق قال وانتي عايزة مننا ايه دلوقتي!
ردت بثقة انا ما اخرج وعدت بابا اني هخرجه هو كمان.
طارق رد بثقة وجايه هنا ليه
ردت ببرود جايه بيت جوزي وعايزاكم تخرجوا بابا من التهم دي.
انفعل طاهر وقال انا طلقتك خلاص وانتي مبقاش ليكي مكان هنا.
مرام ببرود توء توء.. لا يا طاهر الكلام ده من ورا قلبك .. انا عارفه انت قد ايه بتحبني.
طاهر بسخريه كنت يا مرام وخلاص حبي ليكي انتهى.
مرام حبي في قلبك من يوم ما اتولدت ومستحيل ينتهي.
طارق بعصبيه مراااام.. انتي عارفه كويس اننا مش هنرحب بيكي هنا بعد اللي حصل وحكاية اننا نساعد عمي يخرج ده مش هيحصل.. اللي غلط لازم يتحاسب.
مرام پغضب ما اخوك غلط وكان شريك لينا في كل حاجة!
طارق طاهر متورطش زيكم ولما فهم ان شغلكم ده فيه حاجة غلط وقف شغل وكان في نفس الوقت اللي انتوا رتبتو لمۏته..
مرام بصت ل طاهر ووشها شحب من التوتر وقالت رتبنا لمۏته ازاي لا طبعا هو انا معقول كنت هرتب لمۏت جوزي!
طاهر پغضب انا عارف كل حاجة يا مرام متحاوليش تزيفي الحقيقه.. واتفضلي اخرجي برا انتي ملكيش مكان هنا.
مرام بصت ل طاهر پصدمة
________________________________________
وقالت انت هتقدر تعيش من غيري يا طاهر
طاهر بقوة هعيش واحب واتجوز كمان وانتي من الاول مكنتيش ليا.
طارق اتفضلي من هنا يا مرام.. ومش عايزنك تظهر في حياتنا تاني وده تحذير ليكي.
مرام بصت لهم پغضب وقالت ماشي يا طارق همشي بس صدقوني هتندموا.
وخرجت مرام بعصبيه وطارق وطاهر كل واحد فيهم بيبص قدامه پغضب.
خرجت مرام من القصر كله پغضب واول لما بعدت عن القصر اتصلت بشخص وقالت بعصبيه الو.. ايوا يا ناجي.. انا موافقه اتعاون معاك.. بس ليا شروط.
في مكان تاني بعيد. 
كان قاعد ناجي في بيت مهجور مختفي فيه من اول ما حس بالغدر من الناس اللي كان بيتعاون معاهم وبعد اختطاف مرات طارق زهران وشاف الشړ في عين طارق وهو فكر انه لازم يأمن نفسه ويبعد عن الكل في مكان محدش يقدر يوصله وكان بيتابع من بعيد كل اللي حصل وآن الاوان انه يرجع تاني وياخد نصيبه من شنطة الفلوس اللي كانت مع طاهر... بقلمي ملك إبراهيم. 
... يتبع 
الاكشن هيرجع تاني وناجي ومرام هيتحدوا مع بعض واللي جاي اجمد من اللي فات حبايب ملوكة من فضلكم اللي يقرأ البارت يحط لايك وتعليقات كتييييير
الحلقة_44
حب_مجهول_الهوية
بقلم_ملك_إبراهيم
مرام بصت لهم پغضب وقالت ماشي يا طارق همشي بس صدقوني هتندموا.
وخرجت مرام بعصبيه وطارق وطاهر كل واحد فيهم بيبص قدامه پغضب.
خرجت مرام من القصر كله پغضب واول لما بعدت عن القصر اتصلت بشخص وقالت بعصبيه الو.. ايوا يا ناجي.. انا موافقه اتعاون معاك..