اسكربت ادهم وشمس بقلم رغدة وليد

_انا أسف بس مش هاقدر أكمل انا مش مجبر أكمل مع واحدة محكوم عليها بالمۏت عن أذنك
سابلى الدبلة ومشى سابنى عند اول ازمة سابنى انا ااه مكنتش بحبه هى كانت خطوبة صالونات بس انا اتعلقت بيه بقالنا سنة ونص مخطوبين والمفروض فرحنا بعد 6 شهور.. انا شمس 23 كلية طب اسنان واللى سابنى دة خطيبى احمد سابنى لما عرف انى عندى کانسر الدكاترة بيقولوا انى هو لسة فى بدايته ونقدر نعالجه بسهولة 

ماما هو انا ينفع اكمل دراسة فى امريكاا عند خالى 
_انتى بتقولى اي ياشمس انتى اتجننتى وفرحك اللى بعد 6 شهور 
هه سابنى يا ماما اتخانقت انا واحمد وفسخ الخطوبة 
_والله يا زين ماحصل ماكونتش مرتحاله اصلا من الاول وياماا قولت لابوكى بس هو كان منشف دماغه علشان الزفت الشراكة اللى بينه وبين ابوه
خلاص يا ماما ارجوكى وافقى ارجوكى 
_خلاص يا شمس اللى يريحك هاكلم خالك.. انتى ناوية تسافرى امتى 
خلاص اسبوعين اكون خلصت امور الكلية واجراءات نقلى
_ماشى ياحبيبتى 
بعد اسبوعين فى المطار
ياماما ارجوكى كفاية عياط 
_خلاص اهو مش هاعيط بس هاتوحشينى اوى مين هايملى البيت ضحك وهزار وانتى مش موجودة ياشمسى
يا ماما انا هنزلك فى الاجازات ماتخافيش قولتلك 
هاتوحشينى اوى ياحبيبتى 
وانت كمان يابابا والله يلا سلام بقاا علشان ميعاد الطيارة 
_ سلام ياحبيبتى
فى الطيارة
_انا اسمى ادهم والصراحة بقاا انا زهقان ممكن نتكلم شوية 
لو سمحت انا مصدعة وعايزة انام 
_تمام هابدا انا وهاحكيلك عن نفسى 
يا استاذ بقولك مصدعة انت بتسمع منين
_من ودانى عادى المهم انا ادهم الشافعى ايوة ايوة ابن صالح الشافعى راجل الاعمال المشهور عندى 26 سنة خريج كلية طب وشغال مع والدى فى شركته ورايح امريكاا علشان فى شغل لازم اخلصه هنام وكمان هاشرف على مستشفى العيلة هناك يلا وانتى احكيلى بقاا
_يا ولية يلا بقا انا زهقان 
لقيتنى بضحك وبحكيله عن نفسى ومش عارفه ازاى دة حصل
انا شمس 23 سنة كلية طب اسنان ورايحة اكمل دراسة عند خالى فى امريكا 
وقعدنا اتكلمنا شوية لغاية م نزلنا من الطيارة 
_يلا سلام بقاا 
اسفة مش بسلم على رجالة
_بارك الله فيكى اختاااه طب عايزة حاجة
لا شكرا جدا
_باى
باى 
خالو وحشتنى اوى ياخالو اوى 
شموسة حبيبتى وحشتينى جدا عاملة اي ياقلبى 
عاملة بانيه طبعا 
زومة حبيبى وحشتنى اوى ووحشنى جنانك دة
_كنت رايح اقولها م انتى بتحضنى رجالة اهو مش بتسلمى بس وكنت عايز اروح اخنقها واخنقه وارجع مصر اخنق عم محمد البواب بس مارضيتش واخدت شنطتى وطلعت على شقتى...اي دة انا بقولك شعر الله عليا..دة انا عليااا جمل دة انا علياا جمل 
فى حاجة يا استاذ
_اي لااا مفيش 
مرااااااات خااااالووووو
مجنووووووونتى وحشتينى ياهبلة لسة فاكرة يابت تيجى تزورى امك كدة ماشى يا شمس
ياحبيبتى م انتى عارفة الدراسة واهو جيت اكمل دراسة معاكم هناا وهاقرفكم سنتين
اقرفينا انتى بس وملكيش دعوة...عارفة انا عملتلك اي عملتلك كل الاكل اللى بتحبيه وكمان..
حمزة حراااااام بقالى عشرين ساعة شايل الشنط دخلوناااااااي
سميرة ياض بس بقاا وادخل اهو يا اخوياا يللا وخف هبل شوية هاا 
حمزة تسلميلى يا نبع الحنان ايوة كدة هي تيجي وانا مايبقاش ليا لازمة 
شمس وهى بتطلعله لسانها دى مامتشى قرة عينى 
مر كام يوم وشمس مش على طبيعتها دايما دايخة وتعبانة ولما بنسألها بتقول ارهاق من المذاكرة وكدة 
ومرة واحنا قاعدين بناكل شمس جريت ع الحمام وانا جريت وراها وقولت لماما وبابا خليكوا انتوا 
ولما دخلت عليها 
حمزة شمس مالك انتى كو...اي دة يا شمس اي ال...
شمس شششش وطى صوتك ارجوك
حمزةاي دة طيب 
شمس هاقولك كل حاجة بس ارجوك

وطى صوتك بالليل هاحكيلك