رواية جديدة بقلم أمل احمد

يا حبيبي وابتسمت له فبادلها بابتسامتة أيضا . 
باااااك 
يونس وهو يمسح دموعة وهتفضلي حبي الأول والاخير يا مريم باب قلبي اتقفل من بعدك خلااااص
هل سيستمر يونس ع حالة ام مع مرور الأيام سيتغير
تحرك يونس واتجة الي سيارتة وانطلق لمنزلة
وسرح بذاكرتة مرة أخري وتذكر يوم زواجة برغد
فلاش باك
يونس بصوت عال ليييه يا بابا تاخد قرار كبير زي دة من غير ما ترجع ليا هو انا عيل صغير ولا الجواز لعبة جاي تقولي قوم يا يونس البس عشان تتجوز هو في كدة !
محمد وطي صوتك أنت نسيت أني ابوك ولا ايه 

يونس أنا آسف مش قصدي بس الوضع مش منطقي وبعدين مريم .... محمد بمقاطعة مريم ماټت يا يونس 
يونس بۏجع ماټت بالنسبة ليكم لكن بالنسبة ليا عايشة جوايا وهتفضل معايا لحد ما أموت
محمد بخذلان وهو يجلس ع الكرسي ماشي يا يونس براحتك لو ترضى تصغر أبوك وتكسر كلمتة مع الناس براحتك يا ابني حياتك وأنت حر قدرى بمصلحتك ونهض من على الكرسي واكمل خلاص هروح عند علي وأقولة صاحبك رجع ف كلامة واعتذر منه 
يونس بتفكير خلاص موافق بس عندي شرط .......
باااااك
ويقطع تفكيرة وهو يأخذ فرامل لانه كان سيحدث له حاډث بسبب شرودة ولكنه نجا منه بأعجوبة
بعد مدة وصل للمنزل واستقبلتة رغد قالت حمدالله على السلامة 
يونس الله يسلمك ودخل يونس إلي غرفته وقام بتبديل ملابسة وهو يغلق الدولاب وجد زجاجة عطر زوجتة التقطها وفتحها ووضعها ع انفة يستنشقها 
وسرح بذاكرتة
فلاش باااك 
يونس وهو ينظر بطرف عينيه ويبتسم قال واقفة بعيد ليه يا مريم قربي 
مريم أنت عرفت

منين إني موجودة 
يونس ريحة البرفيوم بتاعتك مميزة كأنها اتعملت عشانك انتي وبس 
يونس قربت أخلص عشر دقائق بس 
مريم بملل كفاية شغل يا يونس وتعال اقعد معايا العشر دقائق بقت ساعة وبعدين اول مرة أشوف واحد يخلص شغلة وهو واقف متعبتش 
بااااك 
يقطع تفكيرة رغد قالت يونس خلصت 
يونس في الداخل وهو يضع زجاجة العطر ويخرج من الغرفة وجلس امام رغد قال خير يا رغد كنت عايزة ايه 
رغد بتوتر يونس بصراحة أنا .... وسكتت 
يونس وهو يقطع سكوتها قال اتكلمي يا مريم 
رغد بحزن وۏجع انا رغد يا يونس مش مريم 
يونس ...........
يونس بإحراج أنا آسف يا مريم وسكت وأخذ نفسا عميقا وقال يارغد حقك عليا آسف بجد
رغد بجمود ولا يهمك ونهضت فمسك يونس يدها فنظرت ليده فتركها وقال ڠصب عني يا رغد وبعدين انتي عارفة اللي فيها قوليلي كنت عايزة ايه 
رغد نسيت لم أفتكر هقولك يا يونس عن اذنك وتركته وغادرت إلي غرفتها وأغلقت الباب
ف الخارج يونس وهو يمسح بيدة على وجهه ويقوم بركل الكرسي بقدمه پغضب نظر لغرفة رغد وقال بندم أنا آسف يا رغد بجد اتمني تسامحني ڠصب عني
ف غرفة رغد وهي تقف أمام المرآة تحدث نفسها قالت بتوتر أنا إزاي كنت هقولة لا الوقت مناسب ولا هو مستعد الحمدلله اني متكلمتش واكملت بحزن لدرجة دي حبك لمريم قوي كدة مش مخليك شايف غيرها يا يونس
وسرحت بذاكرتها 
فلاش بااااك 
رغد وهي تجلس يدخل يونس عليها وهو يرتدي بدلتة السوداء 
رغد وهي تقف يونس أنا ....قاطعها يونس وقال هم كلمتين يا بنت الحلال بس قبل ما أقولهم عايز أعرف عريسك سابك ف يوم زي دة وليه انتم اټخانقتوا
رغد لا والله أبدا وجلست ع الكرسي وقالت هقولك ع كل حاجة يا يونس وحكت ليونس كل شئ عن علاقتها بآسر 
وقالت هي دي كل القصة يا يونس 
يونس بإشمئزاز يا خسارة يا رغد ليبيه يا بنتي تخسري نفسك ومبادئك أبوكي وامك فين احترامهم فين ربنا هو عشان أهلك بيحبوكي وسايبينك تعملي اللي أنتي عايزاة وأخذ الهاتف الخاص بها من يدها وقال أبوكي وامك اللي واثقين فيكي وشايفينك وانتي ماسكة تلفونك بالساعات عشان عارفين أن بنتهم متربية مش هتعمل الغلط تقومي تكسري ثقتهم فيكي كدة يا رغد ما هو الحړام والغلط مش بيدوم كويس أوي أن الحكاية انتهت لهنا ربنا بيحبك وراعى أبوكي وامك 
ف الحب هنصحك انك متقدميش اكتر من اللي بيتقدملك 
الراجل لازم يبذل مجهود ويتعب علشان يوصلك يقدملك اكتر مياخد منك يسعى ويحاول ويعافر علشانك اللي بيجي سهل بيروح سهل انت عزيزه ف عين نفسك ولازم تفضلي عزيزه لاخر العمر .الحب الحقيقي تضحيات لو فعلا الحب حقيقي صادق وف النور كل خطوة فيه هتكمل. 
رغد كنت فاكرة أسر بيحبني بجد انت مشوفتش كان بيعمل ايه عشاني على السوشيال غير الهدايا اللي جبهالي في خطوبتنا كان بيحاول بكل الطرق يقربني منه
يونس المبالغة فى اظهار الحب ورومانسية العلاقات على السوشيال ميديا.. مالهوش أى علاقة بالحب.. ولا أى علاقة بالرومانسية..
محمد_طه 
الهدايا كلها اغراءات وأوهام لإثبات الحب معظم الناس مغفلة فاهمة أن دة حب وان حبيبي دة أعظم انتصارسوشيال بس في الحقيقي ممكن يكون أسوء أختيار فاكرة تقليدها للانفلوست والبلوجر حاجة واو أن مفيش زيها تعالي شوفي حياة الناس دي