لست جميله بقلم سولييه نصار
انت في الصفحة 5 من 5 صفحات
....
حط فارس أيده علي وشه وقال بهدوء
كنتي مستنية ايه عشان تتكلمي يا أنوار ...امي كنت أنا هتصرف معاها من غير ما اقلل من احترامها ...وانتي مراتي يعني كرامتك من كرامتي ...أما بالنسبة للفيديو اللي جالك لما نروح لامي هوريكي الفيديو كامل ولو تلاحظي أني قولت بحب يا شيماء والفيديو ده كان لرهف وهي كانت بتدرب علي مسرحية هتمثلها ايام ما كانت في الجامعة وانا ساعدتها مش اكتر ...
امي غلطانة صحيح بس انتي كمان غلطانة زيها ....انتي فاقدة الثقة في نفسك بشكل مستفز رغم اني بحبك ومقدرش اعيش من غيرك لكن مش مصدقة الكلام ده ...افهمي يا غبية الجمال ليه معايير ومعاييري المثالية هي شكلك ...أنا عمري حسستك بغير كده ...
حطيت عينيا في الأرض وانا ببكي فقال
يتبع
لست_جميلة
سولييه_نصار
الجزء الأخير الجزء التاني
قلبي وقع لما قالي كده ...جه يمشي من قدامي مسكت ايديه وانا بعيط وقولت
متسبنيش ...أنا بحبك والله ...
اتنهد فارس وقال
انا تعبت ....
وانا تعبت اكتر منك يا فارس ...تعبت من كتر ما الناس بتقلل مني ...من كتر ما شايفينك كتير عليا وحرام واحد زيك يتجوزني ...تعبت من كتر ما بسمع اني وحشة. ..أنا مش وحشة للدرجة بس هما اقنعوني بكده ...تعبت والله احيانا بتمني اموت عشان ارتاح واريح ...
أنا ...
مقدرتش اتكلم اكتر من كده واڼهارت علي الأرض وانا بعيط جامد وقلبي بيتكسر ....كنت بعيط بطريقة صعبة ....
تعرفي ايه المشكلة يا أنوار...المشكلة اني مبعرفش اخد موقف وده حاجة وحشة اووي انتي بتقدري تمتصي ڠضبي ...
بعدني عنه وقال وهو بيبص لعينيا
انتي جميلة في عيوني ...انتي اجمل حاجة شوفتها وانا بحبك زي ما انتي ...بحبك بقلة ثقتك وكلامك الدبش وعصبيتك ...بحب كل حاجة فيكي ...فابوس ايديكي ثقي في حبي علي الاقل ...
حاضر ...
بعد اسبوع ....
راح فارس لوالدته واخدني معاه ....
كنا قاعدين أنا وهو ووالدته ...كنت متوترة من اللي هيقوله ...طلع هو تليفوني وقال
حضرتك اللي بعتي الفيديو ده يا ماما ...
ارتبكت حماتي فقال
معلش يا أنوار حابب اتكلم مع ماما ممكن ...
ابتسمت ليه وقومت طلعت البلكونة وانا بشم الهوا وحاسة بسلام غريب ...لأول مرة تتولد الثقة جوايا ...
قالها فارس بعتاب ...بلعت والدته ريقها وقالت
مكانتش مناسبة ليك ...هي ....
انا شايفها مناسبة يا امي ..انا بحبها ...
سكتت والدته فكمل
انتي للأسف مأذيتهاش هي بس ..اذتيني أنا كمان ...لان كرامة مراتي من كرامتي ...امي انتي اغلي ست في حياتي بس هي مراتي اللي انا اختارتها واللي انا بحبها ومن غيرها هبقي تعيس...مش مهم يشوفوها الناس جميلة كفاية انها جميلة حسب معاييري ..بس للأسف انتي اهتميتي براي الناس اكتر من قلب ابنك ...أنا لو خسړت مراتي قلبي هيتكسر...أنا مش بقولك حبيها بس احترميها عشاني علي الأقل ياريت ...
خرجنا انا وفارس من البيت كنت ماسكة ايديه وانا فرحانة ...ماسكة ايديه وانا حاسة اني اجمل ست في العالم ...أول مرة احس الاحساس ده وعرفت ان الحب بيخلينا نحس ونشوف الجمال ...
انا بحبك
قولتها وانا مبتسمة فرد فارس
وانا كمان بالرغم من نكدك
ضحكنا أنا وهو ...مش مهم ايه شايلنا المستقبل المهم
آني معايا قلب احسن رجل في العالم
انت
لست_جميلة
سولييه_نصار
